RETOUR À L'ENTRÉE DU SITE

 

  
 

ALLER A LA TABLE DES MATIERES DE PLUTARQUE

 

  
 

 

 ΕΙ ΠΡΕΣΒΥΤΕΡΩΙ ΠΟΛΙΤΕΥΤΕΟΝ

 

 

 

  
     
  116932 t.1.1 : ΕΙ ΠΡΕΣΒΥΤΕΡΩΙ ΠΟΛΙΤΕΥΤΕΟΝ
116933 783.B.1 : Ὅτι μέν, ὦ Εὔφανες, ἐπαινέτης ὢν Πινδάρου
116934 783.B.2 : πολλάκις ἔχεις διὰ στόματος ὡς εἰρημένον εὖ καὶ
116935 783.B.3 : πιθανῶς ὑπ´ αὐτοῦ
116936 783.B.3 :
116937 783.B.4 : τιθεμένων ἀγώνων πρόφασις
116938 783.B.5 : ἀρετὰν ἐς αἰπὺν ἔβαλε σκότον,
116939 783.B.5 :
116940 783.B.6 : οὐκ ἀγνοοῦμεν. ἐπειδὴ δὲ πλείστας αἱ πρὸς τοὺς
116941 783.B.7 : πολιτικοὺς ἀγῶνας ἀποκνήσεις καὶ μαλακίαι προφάσεις
116942 783.B.8 : ἔχουσαι τελευταίαν ὥσπερ τὴν "ἀφ´ ἱερᾶς"
116943 783.B.9 : ἐπάγουσιν ἡμῖν τὸ γῆρας, καὶ μάλιστα δὴ τούτῳ
116944 783.B.10 : τὸ φιλότιμον ἀμβλύνειν καὶ δυσωπεῖν δοκοῦσαι
116945 783.B.11 : πείθουσιν εἶναί τινα πρέπουσαν οὐκ ἀθλητικῆς
116946 783.B.12 : μόνον ἀλλὰ καὶ πολιτικῆς περιόδου κατάλυσιν·
116947 783.C.1 : οἴομαι δεῖν ἃ πρὸς ἐμαυτὸν ἑκάστοτε λογίζομαι καὶ
116948 783.C.2 : πρὸς σὲ διελθεῖν περὶ τῆς πρεσβυτικῆς πολιτείας·
116949 783.C.3 : ὅπως μηδέτερος ἀπολείψει τὴν μακρὰν συνοδίαν
116950 783.C.4 : μέχρι δεῦρο κοινῇ προερχομένην μηδὲ τὸν πολιτικὸν
116951 783.C.5 : βίον ὥσπερ ἡλικιώτην καὶ συνήθη φίλον
116952 783.C.6 : ἀπορρίψας μεταβαλεῖται πρὸς ἄλλον ἀσυνήθη καὶ
116953 783.C.7 : χρόνον οὐκ ἔχοντα συνήθη γενέσθαι καὶ οἰκεῖον,
116954 783.C.8 : ἀλλ´ ἐμμενοῦμεν οἷς ἀπ´ ἀρχῆς προειλόμεθα, ταὐτὸ
116955 783.C.9 : τοῦ ζῆν καὶ τοῦ καλῶς ζῆν ποιησάμενοι πέρας·
116956 783.C.10 : εἴ γε δὴ μὴ μέλλοιμεν ἐν βραχεῖ τῷ λειπομένῳ τὸν
116957 783.C.11 : πολὺν ἐλέγχειν χρόνον, ὡς ἐπ´ οὐδενὶ καλῷ μάτην
116958 783.C.12 : ἀνηλωμένον.
116959 783.D.1 : Οὐ γὰρ ἡ τυραννίς, ὥς τις εἶπε Διονυσίῳ,
116960 783.D.2 : καλὸν ἐντάφιον· ἀλλ´ ἐκείνῳ γε τὴν μοναρχίαν
116961 783.D.3 : μετὰ τῆς ἀδικίας τό γε μὴ παύσασθαι συμφορὰν
116962 783.D.4 : τελεωτέραν ἐποίησε. καὶ καλῶς Διογένης ὕστερον
116963 783.D.5 : ἐν Κορίνθῳ τὸν υἱὸν αὐτοῦ θεασάμενος ἰδιώτην
116964 783.D.6 : ἐκ τυράννου γεγενημένον "ὡς ἀναξίως," ἔφη,
116965 783.D.7 : "Διονύσιε, σεαυτοῦ πράττεις· οὐ γὰρ ἐνταῦθά
116966 783.D.8 : σε μεθ´ ἡμῶν ἔδει ζῆν ἐλευθέρως καὶ ἀδεῶς,
116967 783.D.9 : ἀλλ´ ἐκεῖ τοῖς τυραννείοις ἐγκατῳκοδομημένον
116968 783.D.10 : ὥσπερ ὁ πατὴρ ἄχρι γήρως ἐγκαταβιῶσαι."
116969 783.D.11 : πολιτεία δὲ δημοκρατικὴ καὶ νόμιμος ἀνδρὸς
116970 783.D.12 : εἰθισμένου παρέχειν αὑτὸν οὐχ ἧττον ἀρχόμενον
116971 783.E.1 : ὠφελίμως ἢ ἄρχοντα καλὸν ἐντάφιον ὡς ἀληθῶς
116972 783.E.2 : τὴν ἀπὸ τοῦ βίου δόξαν τῷ θανάτῳ προστίθησι·
116973 783.E.3 : τοῦτο γὰρ
116974 783.E.3 :
116975 783.E.4 : ἔσχατον δύεται κατὰ γᾶς
116976 783.E.4 :
116977 783.E.5 : ὥς φησι Σιμωνίδης, πλὴν ὧν προαποθνήσκει τὸ
116978 783.E.6 : φιλάνθρωπον καὶ φιλόκαλον καὶ προαπαυδᾷ τῆς
116979 783.E.7 : τῶν ἀναγκαίων ἐπιθυμίας ὁ τῶν καλῶν ζῆλος, ὡς
116980 783.E.8 : τὰ πρακτικὰ μέρη καὶ θεῖα τῆς ψυχῆς ἐξιτηλότερα
116981 783.E.9 : τῶν παθητικῶν καὶ σωματικῶν ἐχούσης· ὅπερ
116982 783.E.10 : οὐδὲ λέγειν καλὸν οὐδ´ ἀποδέχεσθαι τῶν λεγόντων,
116983 783.F.1 : ὡς κερδαίνοντες μόνον οὐ κοπιῶμεν· ἀλλὰ καὶ τὸ
116984 783.F.2 : τοῦ Θουκυδίδου παράγειν ἐπὶ τὸ βέλτιον, μὴ τὸ
116985 783.F.3 : φιλότιμον ἀγήρων μόνον ἡγουμένους, ἀλλὰ μᾶλλον
116986 783.F.4 : τὸ κοινωνικὸν καὶ πολιτικόν, ὃ καὶ μύρμηξιν
116987 783.F.5 : ἄχρι τέλους παραμένει καὶ μελίτταις· οὐδεὶς
116988 783.F.6 : γὰρ πώποτ´ εἶδεν ὑπὸ γήρως κηφῆνα γενομένην
116989 783.F.7 : μέλιτταν, ὥσπερ ἔνιοι τοὺς πολιτικοὺς ἀξιοῦσιν,
116990 783.F.8 : ὅταν παρακμάσωσιν, οἴκοι σιτουμένους καθῆσθαι
116991 783.F.9 : καὶ ἀποκεῖσθαι, καθάπερ ἰῷ σίδηρον ὑπ´ ἀργίας
116992 783.F.10 : τὴν πρακτικὴν ἀρετὴν σβεννυμένην περιορῶντας.
116993 784.A.1 : ὁ γὰρ Κάτων ἔλεγεν, ὅτι πολλὰς ἰδίας ἔχοντι τῷ
116994 784.A.2 : γήρᾳ κῆρας οὐ δεῖ τὴν ἀπὸ τῆς κακίας ἑκόντας
116995 784.A.3 : ἐπάγειν αἰσχύνην· πολλῶν δὲ κακιῶν οὐδεμιᾶς
116996 784.A.4 : ἧττον ἀπραξία καὶ δειλία καὶ μαλακία καταισχύνουσιν
116997 784.A.5 : ἄνδρα πρεσβύτην, ἐκ πολιτικῶν ἀρχείων
116998 784.A.6 : καταδυόμενον εἰς οἰκουρίαν γυναικῶν ἢ κατ´
116999 784.A.7 : ἀγρὸν ἐφορῶντα καλαμητρίδας καὶ θεριστάς·
117000 784.A.7 :
117001 784.A.8 : ὁ δ´ Οἰδίπους ποῦ καὶ τὰ κλείν´ αἰνίγματα;
117002 784.A.8 :
117003 784.A.9 : Τὸ μὲν γὰρ ἐν γήρᾳ πολιτείας ἄρχεσθαι καὶ μὴ
117004 784.A.10 : πρότερον, ὥσπερ Ἐπιμενίδην λέγουσι κατακοιμηθέντα
117005 784.A.11 : νεανίαν ἐξεγρέσθαι γέροντα μετὰ πεντήκοντα
117006 784.B.1 : ἔτη· εἶτα τὴν οὕτω μακρὰν καὶ συμβεβιωκυῖαν
117007 784.B.2 : ἡσυχίαν ἀποθέμενον ἐμβαλεῖν ἑαυτὸν εἰς ἀγῶνας
117008 784.B.3 : καὶ ἀσχολίας, ἀήθη καὶ ἀγύμναστον ὄντα καὶ μήτε
117009 784.B.4 : πράγμασιν ἐνωμιληκότα πολιτικοῖς μήτ´ ἀνθρώποις,
117010 784.B.5 : ἴσως ἂν αἰτιωμένῳ τινὶ παράσχοι τὸ τῆς
117011 784.B.6 : Πυθίας εἰπεῖν "ὄψ´ ἦλθες" ἀρχὴν καὶ δημαγωγίαν
117012 784.B.7 : διζήμενος, καὶ παρ´ ὥραν στρατηγίου κόπτεις
117013 784.B.8 : θύραν, ὥσπερ τις ἀτεχνότερος ὢν νύκτωρ ἐπίκωμος
117014 784.B.9 : ἀφιγμένος, ἢ ξένος οὐ τόπον οὐδὲ χώραν
117015 784.B.10 : ἀλλὰ βίον, οὗ μὴ πεπείρασαι, μεταλλάττων. τὸ γὰρ
117016 784.B.11 : "πόλις ἄνδρα διδάσκει" κατὰ Σιμωνίδην ἀληθές
117017 784.B.12 : ἐστιν ἐπὶ τῶν ἔτι χρόνον ἐχόντων μεταδιδαχθῆναι
117018 784.B.13 : καὶ μεταμαθεῖν μάθημα, διὰ πολλῶν ἀγώνων καὶ
117019 784.C.1 : πραγμάτων μόλις ἐκπονούμενον, ἄνπερ ἐν καιρῷ
117020 784.C.2 : φύσεως ἐπιλάβηται καὶ πόνον ἐνεγκεῖν καὶ δυσημερίαν
117021 784.C.3 : εὐκόλως δυναμένης. ταῦτα δόξει τις μὴ
117022 784.C.4 : κακῶς λέγεσθαι πρὸς τὸν ἀρχόμενον ἐν γήρᾳ
117023 784.C.5 : πολιτείας.
117024 784.C.6 : Καίτοι τοὐναντίον ὁρῶμεν ὑπὸ τῶν νοῦν
117025 784.C.7 : ἐχόντων τὰ μειράκια καὶ τοὺς νέους ἀποτρεπομένους
117026 784.C.8 : τοῦ τὰ κοινὰ πράττειν· καὶ μαρτυροῦσιν
117027 784.C.9 : οἱ νόμοι διὰ τοῦ κήρυκος ἐν ταῖς ἐκκλησίαις οὐκ
117028 784.C.10 : Ἀλκιβιάδας οὐδὲ Πυθέας ἀνιστάντες ἐπὶ τὸ βῆμα
117029 784.C.11 : πρώτους, ἀλλὰ τοὺς ὑπὲρ πεντήκοντ´ ἔτη γεγονότας,
117030 784.D.1 : λέγειν καὶ συμβουλεύειν παρακαλοῦντες· οὐ
117031 784.D.2 : γὰρ τοιούτους ἀήθεια τόλμης καὶ τριβῆς ἔνδεια
117032 784.D.3 : καλεῖ πρὸς τροπαῖον κατ´ ἀντιστασιωτῶν. ὁ δὲ
117033 784.D.4 : Κάτων μετ´ ὀγδοήκοντ´ ἔτη δίκην ἀπολογούμενος
117034 784.D.5 : ἔφη χαλεπὸν εἶναι βεβιωκότα μετ´ ἄλλων ἐν ἄλλοις
117035 784.D.6 : ἀπολογεῖσθαι. Καίσαρος δὲ τοῦ καταλύσαντος
117036 784.D.7 : Ἀντώνιον οὔτι μικρῷ βασιλικώτερα καὶ δημωφελέστερα
117037 784.D.8 : γενέσθαι πολιτεύματα πρὸς τῇ τελευτῇ
117038 784.D.9 : πάντες ὁμολογοῦσιν· αὐτὸς δὲ τοὺς νέους ἔθεσι
117039 784.D.10 : καὶ νόμοις αὐστηρῶς σωφρονίζων, ὡς ἐθορύβησαν,
117040 784.D.11 : "ἀκούσατ´," εἶπε, "νέοι γέροντος οὗ νέου γέροντες
117041 784.E.1 : ἤκουον." ἡ δὲ Περικλέους πολιτεία τὸ μέγιστον
117042 784.E.2 : ἐν γήρᾳ κράτος ἔσχεν, ὅτε καὶ τὸν πόλεμον ἄρασθαι
117043 784.E.3 : τοὺς Ἀθηναίους ἔπεισε· καὶ προθυμουμένων οὐ
117044 784.E.4 : κατὰ καιρὸν μάχεσθαι πρὸς ἑξακισμυρίους ὁπλίτας,
117045 784.E.5 : ἐνέστη καὶ διεκώλυσε, μονονοὺ τὰ ὅπλα τοῦ δήμου
117046 784.E.6 : καὶ τὰς κλεῖς τῶν πυλῶν ἀποσφραγισάμενος.
117047 784.E.7 : ἀλλὰ μὴν ἅ γε Ξενοφῶν περὶ Ἀγησιλάου γέγραφεν,
117048 784.E.8 : αὐτοῖς ὀνόμασιν ἄξιόν ἐστι παραθέσθαι· "ποίας
117049 784.E.9 : γάρ," φησί, "νεότητος οὐ κρεῖττον τὸ ἐκείνου
117050 784.E.10 : γῆρας ἐφάνη; τίς μὲν γὰρ τοῖς ἐχθροῖς ἀκμάζων
117051 784.E.11 : οὕτω φοβερὸς ἦν, ὡς Ἀγησίλαος τὸ μήκιστον τοῦ
117052 784.E.12 : αἰῶνος ἔχων; τίνος δ´ ἐκποδὼν γενομένου μᾶλλον
117053 784.E.13 : ἥσθησαν οἱ πολέμιοι ἢ Ἀγησιλάου, καίπερ γηραιοῦ
117054 784.F.1 : τελευτήσαντος; τίς δὲ συμμάχοις θάρσος παρέσχεν
117055 784.F.2 : ἢ Ἀγησίλαος, καίπερ ἤδη πρὸς τῷ τέρματι τοῦ
117056 784.F.3 : βίου ὤν; τίνα δὲ νέον οἱ φίλοι πλέον ἐπόθησαν
117057 784.F.4 : ἢ Ἀγησίλαον γηραιὸν ἀποθανόντα;"
117058 784.F.5 : Εἶτ´ ἐκείνους μὲν τηλικαῦτα πράττειν ὁ
117059 784.F.6 : χρόνος οὐκ ἐκώλυεν, ἡμεῖς δ´ οἱ νῦν τρυφῶντες ἐν
117060 784.F.7 : πολιτείαις, μὴ τυραννίδα μὴ πόλεμόν τινα μὴ
117061 784.F.8 : πολιορκίαν ἐχούσαις, ἀπολέμους δ´ ἁμίλλας καὶ
117062 784.F.9 : φιλοτιμίας νόμῳ τὰ πολλὰ καὶ λόγῳ μετὰ δίκης
117063 785.A.1 : περαινομένας ἀποδειλιῶμεν; οὐ μόνον στρατηγῶν
117064 785.A.2 : τῶν τότε καὶ δημαγωγῶν, ἀλλὰ καὶ ποιητῶν καὶ
117065 785.A.3 : σοφιστῶν καὶ ὑποκριτῶν ὁμολογοῦντες εἶναι κακίους·
117066 785.A.4 : εἴγε Σιμωνίδης μὲν ἐν γήρᾳ χοροῖς ἐνίκα,
117067 785.A.5 : ὡς τοὐπίγραμμα δηλοῖ τοῖς τελευταίοις ἔπεσιν·
117068 785.A.5 :
117069 785.A.6 : ἀμφὶ διδασκαλίῃ δὲ Σιμωνίδῃ ἕσπετο κῦδος
117070 785.A.7 : ὀγδωκονταέτει παιδὶ Λεωπρέπεος.
117071 785.A.7 :
117072 785.A.8 : Σοφοκλῆς δὲ λέγεται μὲν ὑπὸ παίδων παρανοίας
117073 785.A.9 : δίκην φεύγων ἀναγνῶναι τὴν ἐν Οἰδίποδι τῷ ἐπὶ
117074 785.A.10 : Κολωνῷ πάροδον, ᾗ ἐστιν ἀρχὴ
117075 785.A.10 :
117076 785.A.11 : εὐίππου, ξένε, τᾶσδε χώρας
117077 785.A.12 : ἵκου τὰ κράτιστα γᾶς ἔπαυλα,
117078 785.A.13 : τὸν ἀργῆτα Κολωνόν, ἔνθ´
117079 785.A.14 : ἁ λίγεια μινύρεται
117080 785.A.15 : θαμίζουσα μάλιστ´ ἀηδὼν
117081 785.A.16 : χλωραῖς ὑπὸ βάσσαις.
117082 785.A.16 :
117083 785.B.1 : θαυμαστοῦ δὲ τοῦ μέλους φανέντος, ὥσπερ ἐκ
117084 785.B.2 : θεάτρου τοῦ δικαστηρίου προπεμφθῆναι μετὰ
117085 785.B.3 : κρότου καὶ βοῆς τῶν παρόντων. τουτὶ δ´ ὁμολογουμένως
117086 785.B.4 : Σοφοκλέους ἐστὶ τοὐπιγραμμάτιον
117087 785.B.4 :
117088 785.B.5 : ᾠδὴν Ἡροδότῳ τεῦξεν Σοφοκλῆς ἐτέων ὢν
117089 785.B.6 : πέντ´ ἐπὶ πεντήκοντα.
117090 785.B.7 : Φιλήμονα δὲ τὸν κωμικὸν καὶ Ἄλεξιν ἐπὶ τῆς
117091 785.B.8 : σκηνῆς ἀγωνιζομένους καὶ στεφανουμένους ὁ
117092 785.B.9 : θάνατος κατέλαβε. Πῶλον δὲ τὸν τραγῳδὸν
117093 785.B.10 : Ἐρατοσθένης καὶ Φιλόχορος ἱστοροῦσιν ἑβδομήκοντ´
117094 785.C.1 : ἔτη γεγενημένον ὀκτὼ τραγῳδίας ἐν τέτταρσιν
117095 785.C.2 : ἡμέραις διαγωνίσασθαι μικρὸν ἔμπροσθεν
117096 785.C.3 : τῆς τελευτῆς.
117097 785.C.4 : Ἆρ´ οὖν οὐκ αἰσχρόν ἐστι τῶν ἀπὸ σκηνῆς
117098 785.C.5 : γερόντων τοὺς ἀπὸ τοῦ βήματος ἀγεννεστέρους
117099 785.C.6 : ὁρᾶσθαι, καὶ τῶν ἱερῶν ὡς ἀληθῶς ἐξισταμένους
117100 785.C.7 : ἀγώνων ἀποτίθεσθαι τὸ πολιτικὸν πρόσωπον, οὐκ
117101 785.C.8 : οἶδ´ ὁποῖον ἀντιμεταλαμβάνοντας; καὶ γὰρ τὸ
117102 785.C.9 : τῆς γεωργίας ἐκ βασιλικοῦ ταπεινόν· ὅπου γὰρ ὁ
117103 785.C.10 : Δημοσθένης φησὶν ἀνάξια πάσχειν τὴν Πάραλον,
117104 785.C.11 : ἱερὰν οὖσαν τριήρη, ξύλα καὶ χάρακας καὶ βοσκήματα
117105 785.C.12 : τῷ Μειδίᾳ παρακομίζουσαν, ἦ που πολιτικὸς
117106 785.C.13 : ἀνὴρ ἀγωνοθεσίας καὶ βοιωταρχίας καὶ τὰς ἐν
117107 785.D.1 : Ἀμφικτύοσι προεδρίας ἀπολιπών, εἶθ´ ὁρώμενος ἐν
117108 785.D.2 : ἀλφίτων καὶ στεμφύλων διαμετρήσει καὶ πόκοις
117109 785.D.3 : προβάτων οὐ παντάπασι δόξει τοῦτο δὴ τὸ καλούμενον
117110 785.D.4 : "ἵππου γῆρας" ἐπάγεσθαι, μηδενὸς ἀναγκάζοντος;
117111 785.D.5 : ἐργασίας γε μὴν βαναύσου καὶ ἀγοραίας
117112 785.D.6 : ἅπτεσθαι μετὰ πολιτείαν ὅμοιόν ἐστι τῷ
117113 785.D.7 : γυναικὸς ἐλευθέρας καὶ σώφρονος ἔνδυμα περισπάσαντα
117114 785.D.8 : καὶ περίζωμα δόντα συνέχειν ἐπὶ
117115 785.D.9 : καπηλείου· καὶ γὰρ τῆς πολιτικῆς ἀρετῆς οὕτως
117116 785.D.10 : ἀπόλλυται τὸ ἀξίωμα καὶ τὸ μέγεθος πρός τινας
117117 785.E.1 : οἰκονομίας καὶ χρηματισμοὺς ἀγομένης. ἂν δ´,
117118 785.E.2 : ὅπερ λοιπόν ἐστι, ῥᾳστώνας καὶ ἀπολαύσεις τὰς
117119 785.E.3 : ἡδυπαθείας καὶ τὰς τρυφὰς ὀνομάζοντες ἐν ταύταις
117120 785.E.4 : μαραινόμενον ἡσυχῆ παρακαλῶσι γηράσκειν τὸν
117121 785.E.5 : πολιτικόν, οὐκ οἶδα ποτέρᾳ δυεῖν εἰκόνων αἰσχρῶν
117122 785.E.6 : πρέπειν δόξει μᾶλλον ὁ βίος αὐτοῦ· πότερον
117123 785.E.7 : ἀφροδίσια ναύταις ἄγουσι πάντα τὸν λοιπὸν ἤδη
117124 785.E.8 : χρόνον οὐκ ἐν λιμένι τὴν ναῦν ἔχουσιν ἀλλ´ ἔτι
117125 785.E.9 : πλέουσαν ἀπολείπουσιν· ἢ καθάπερ ἔνιοι τὸν
117126 785.E.10 : Ἡρακλέα παίζοντες οὐκ εὖ γράφουσιν ἐν Ὀμφάλης
117127 785.E.11 : κροκωτοφόρον ἐνδιδόντα Λυδαῖς θεραπαινίσι ῥιπίζειν
117128 785.E.12 : καὶ παραπλέκειν ἑαυτόν, οὕτω τὸν πολιτικὸν
117129 785.F.1 : ἐκδύσαντες τὴν λεοντῆν καὶ κατακλίναντες εὐωχήσομεν
117130 785.F.2 : ἀεὶ καταψαλλόμενον καὶ καταυλούμενον,
117131 785.F.3 : οὐδὲ τῇ τοῦ Πομπηίου Μάγνου φωνῇ διατραπέντες
117132 785.F.4 : τῇ πρὸς Λεύκολλον αὑτὸν μὲν εἰς λουτρὰ καὶ
117133 785.F.5 : δεῖπνα καὶ συνουσίας μεθημερινὰς καὶ πολὺν ἄλυν
117134 785.F.6 : καὶ κατασκευὰς οἰκοδομημάτων νεοπρεπεῖς μετὰ
117135 785.F.7 : τὰς στρατείας καὶ πολιτείας ἀφεικότα, τῷ δὲ
117136 785.F.8 : Πομπηίῳ φιλαρχίαν ἐγκαλοῦντα καὶ φιλοτιμίαν
117137 785.F.9 : παρ´ ἡλικίαν· ἔφη γὰρ ὁ Πομπήιος ἀωρότερον
117138 786.A.1 : εἶναι γέροντι τὸ τρυφᾶν ἢ τὸ ἄρχειν· ἐπεὶ δὲ
117139 786.A.2 : νοσοῦντι συνέταξε κίχλην ὁ ἰατρός, ἦν δὲ δυσπόριστον
117140 786.A.3 : καὶ παρ´ ὥραν, ἔφη δέ τις εἶναι παρὰ Λευκόλλῳ
117141 786.A.4 : πολλὰς τρεφομένας, οὐκ ἔπεμψεν οὐδ´ ἔλαβεν
117142 786.A.5 : εἰπών, "οὐκοῦν, εἰ μὴ Λεύκολλος ἐτρύφα, Πομπήιος
117143 786.A.6 : οὐκ ἂν ἔζησε;"
117144 786.A.7 : Καὶ γὰρ εἰ ζητεῖ πάντως ἡ φύσις τὸ ἡδὺ καὶ
117145 786.A.8 : τὸ χαίρειν, τὸ μὲν σῶμα τῶν γερόντων ἀπείρηκε
117146 786.A.9 : πρὸς πάσας, πλὴν ὀλίγων τῶν ἀναγκαίων, τὰς
117147 786.A.10 : ἡδονάς, καὶ οὐχ
117148 786.A.10 :
117149 786.A.11 : ἡ Ἀφροδίτη τοῖς γέρουσιν ἄχθεται
117150 786.A.11 :
117151 786.B.1 : μόνον, ὡς Εὐριπίδης φησίν, ἀλλὰ καὶ τὰς περὶ
117152 786.B.2 : πόσιν καὶ βρῶσιν ἐπιθυμίας ἀπημβλυμμένας τὰ
117153 786.B.3 : πολλὰ καὶ νωδὰς κατέχοντες μόλις οἷον ἐπιθήγουσι
117154 786.B.4 : καὶ χαράττουσιν· ἐν δὲ τῇ ψυχῇ παρασκευαστέον
117155 786.B.5 : ἡδονὰς οὐκ ἀγεννεῖς οὐδ´ ἀνελευθέρους, ὡς Σιμωνίδης
117156 786.B.6 : ἔλεγε πρὸς τοὺς ἐγκαλοῦντας αὐτῷ φιλαργυρίαν,
117157 786.B.7 : ὅτι τῶν ἄλλων ἀπεστερημένος διὰ τὸ γῆρας
117158 786.B.8 : ἡδονῶν ὑπὸ μιᾶς ἔτι γηροβοσκεῖται τῆς ἀπὸ τοῦ
117159 786.B.9 : κερδαίνειν. ἀλλ´ ἡ πολιτεία καλλίστας μὲν ἡδονὰς
117160 786.B.10 : ἔχει καὶ μεγίστας, αἷς καὶ τοὺς θεοὺς εἰκός ἐστιν
117161 786.B.11 : ἢ μόναις ἢ μάλιστα χαίρειν· αὗται δ´ εἰσίν, ἃς τὸ
117162 786.B.12 : εὖ ποιεῖν καὶ καλόν τι πράττειν ἀναδίδωσιν. εἰ
117163 786.B.13 : γὰρ Νικίας ὁ ζῳγράφος οὕτως ἔχαιρε τοῖς τῆς
117164 786.C.1 : τέχνης ἔργοις, ὥστε τοὺς οἰκέτας ἐρωτᾶν πολλάκις,
117165 786.C.2 : εἰ λέλουται καὶ ἠρίστηκεν· Ἀρχιμήδην δὲ τῇ σανίδι
117166 786.C.3 : προσκείμενον ἀποσπῶντες βίᾳ καὶ ἀποδύοντες
117167 786.C.4 : ἤλειφον οἱ θεράποντες, ὁ δ´ ἐπὶ τοῦ σώματος
117168 786.C.5 : ἀληλιμμένου διέγραφε τὰ σχήματα· Κάνος δ´ ὁ
117169 786.C.6 : αὐλητής, ὃν καὶ σὺ γιγνώσκεις, ἔλεγεν ἀγνοεῖν
117170 786.C.7 : τοὺς ἀνθρώπους, ὅσῳ μᾶλλον αὑτὸν αὐλῶν ἢ
117171 786.C.8 : ἑτέρους εὐφραίνει· λαμβάνειν γὰρ ἂν μισθὸν οὐ
117172 786.C.9 : διδόναι τοὺς ἀκούειν ἐθέλοντας· ἆρ´ οὐκ ἐπινοοῦμεν,
117173 786.C.10 : ἡλίκας ἡδονὰς αἱ ἀρεταὶ τοῖς χρωμένοις ἀπὸ τῶν
117174 786.C.11 : καλῶν πράξεων καὶ τῶν κοινωνικῶν ἔργων καὶ
117175 786.C.12 : φιλανθρώπων παρασκευάζουσιν, οὐ κνῶσαι οὐδὲ
117176 786.C.13 : θρύπτουσαι, ὥσπερ αἱ εἰς σάρκα λεῖαι καὶ προσηνεῖς
117177 786.D.1 : γινόμεναι κινήσεις; ἀλλ´ αὗται μὲν οἰστρῶδες
117178 786.D.2 : καὶ ἀβέβαιον καὶ μεμιγμένον σφυγμῷ τὸ γαργαλίζον
117179 786.D.3 : ἔχουσιν, αἱ δ´ ἐπὶ τοῖς καλοῖς ἔργοις, οἵων
117180 786.D.4 : δημιουργὸς ὁ πολιτευόμενος ὀρθῶς ἐστιν, οὐ ταῖς
117181 786.D.5 : Εὐριπίδου χρυσαῖς πτέρυξιν, ἀλλὰ τοῖς Πλατωνικοῖς
117182 786.D.6 : ἐκείνοις καὶ οὐρανίοις πτεροῖς ὅμοια τὴν ψυχὴν
117183 786.D.7 : μέγεθος καὶ φρόνημα μετὰ γήθους λαμβάνουσαν
117184 786.D.8 : ἀναφέρουσιν.
117185 786.D.9 : Ὑπομίμνησκε δὲ σεαυτὸν ὧν πολλάκις ἀκήκοας·
117186 786.D.10 : ὁ μὲν γὰρ Ἐπαμεινώνδας ἐρωτηθεὶς τί
117187 786.D.11 : ἥδιστον αὐτῷ γέγονεν, ἀπεκρίνατο τὸ τοῦ πατρὸς
117188 786.D.12 : ἔτι ζῶντος καὶ τῆς μητρὸς νικῆσαι τὴν ἐν Λεύκτροις
117189 786.D.13 : μάχην. ὁ δὲ Σύλλας, ὅτε τῶν ἐμφυλίων πολέμων
117190 786.E.1 : τὴν Ἰταλίαν καθήρας προσέμιξε τῇ Ῥώμῃ
117191 786.E.2 : πρῶτον, οὐδὲ μικρὸν ἐν τῇ νυκτὶ κατέδαρθεν, ὑπὸ
117192 786.E.3 : γήθους καὶ χαρᾶς μεγάλης ὥσπερ πνεύματος
117193 786.E.4 : ἀναφερόμενος τὴν ψυχήν· καὶ ταῦτα περὶ αὑτοῦ
117194 786.E.5 : γέγραφεν ἐν τοῖς ὑπομνήμασιν. ἄκουσμα μὲν γὰρ
117195 786.E.6 : ἔστω μηδὲν ἥδιον ἐπαίνου κατὰ τὸν Ξενοφῶντα,
117196 786.E.7 : θέαμα δὲ καὶ μνημόνευμα καὶ διανόημα τῶν ὄντων
117197 786.E.8 : οὐδὲν ἔστιν ὃ τοσαύτην φέρει χάριν, ὅσην πράξεων
117198 786.E.9 : ἰδίων ἐν ἀρχαῖς καὶ πολιτείαις ὥσπερ ἐν τόποις
117199 786.E.10 : λαμπροῖς καὶ δημοσίοις ἀναθεώρησις. οὐ μὴν
117200 786.F.1 : ἀλλὰ καὶ χάρις εὐμενὴς συμμαρτυροῦσα τοῖς
117201 786.F.2 : ἔργοις καὶ συναμιλλώμενος ἔπαινος, εὐνοίας δικαίας
117202 786.F.3 : ἡγεμών, οἷόν τι φῶς καὶ γάνωμα τῷ χαίροντι τῆς
117203 786.F.4 : ἀρετῆς προστίθησι· καὶ δεῖ μὴ περιορᾶν ὥσπερ
117204 786.F.5 : ἀθλητικὸν στέφανον ἐν γήρᾳ ξηρὰν γενομένην τὴν
117205 786.F.6 : δόξαν, ἀλλὰ καινὸν ἀεί τι καὶ πρόσφατον ἐπιφέροντα
117206 786.F.7 : τὴν τῶν παλαιῶν χάριν ἐγείρειν καὶ ποιεῖν ἀμείνω
117207 786.F.8 : καὶ μόνιμον· ὥσπερ οἱ τεχνῖται, οἷς ἐπέκειτο
117208 786.F.9 : φροντίζειν σῶον εἶναι τὸ Δηλιακὸν πλοῖον, ἀντὶ
117209 786.F.10 : τῶν πονούντων ξύλων ἐμβάλλοντες ἄλλα καὶ συμπηγνύντες
117210 786.F.11 : ἀίδιον ἐκ τῶν τότε χρόνων καὶ ἄφθαρτον
117211 787.A.1 : ἐδόκουν διαφυλάττειν. ἔστι δὲ καὶ δόξης καὶ
117212 787.A.2 : φλογὸς οὐ χαλεπὴ σωτηρία καὶ τήρησις ἀλλὰ
117213 787.A.3 : μικρῶν ὑπεκκαυμάτων δεομένη, κατασβεσθὲν δὲ
117214 787.A.4 : καὶ ὑποψυχθὲν οὐδέτερον ἄν τις ἀπραγμόνως πάλιν
117215 787.A.5 : ἐξάψειεν. ὡς δὲ Λάμπις ὁ ναύκληρος ἐρωτηθεὶς
117216 787.A.6 : πῶς ἐκτήσατο τὸν πλοῦτον "οὐ χαλεπῶς" ἔφη
117217 787.A.7 : "τὸν μέγαν, τὸν δὲ βραχὺν ἐπιπόνως καὶ βραδέως"·
117218 787.A.8 : οὕτω τῆς πολιτικῆς δόξης καὶ δυνάμεως ἐν ἀρχῇ
117219 787.A.9 : τυχεῖν οὐ ῥᾴδιόν ἐστι, τὸ δὲ συναυξῆσαι καὶ διαφυλάξαι
117220 787.A.10 : μεγάλην γενομένην ἀπὸ τῶν τυχόντων
117221 787.A.11 : ἕτοιμον. οὔτε γὰρ φίλος ὅταν γένηται πολλὰς
117222 787.B.1 : λειτουργίας ἐπιζητεῖ καὶ μεγάλας, ἵνα μένῃ φίλος,
117223 787.B.2 : μικροῖς δὲ σημείοις τὸ ἐνδελεχὲς ἀεὶ διαφυλάττει
117224 787.B.3 : τὴν εὔνοιαν· ἥ τε δήμου φιλία καὶ πίστις οὐκ
117225 787.B.4 : ἀεὶ δεομένη χορηγοῦντος οὐδὲ προδικοῦντος οὐδ´
117226 787.B.5 : ἄρχοντος αὐτῇ τῇ προθυμίᾳ συνέχεται καὶ τῷ μὴ
117227 787.B.6 : προαπολείποντι μηδ´ ἀπαγορεύοντι τῆς ἐπιμελείας
117228 787.B.7 : καὶ φροντίδος. οὐδὲ γὰρ αἱ στρατεῖαι παρατάξεις
117229 787.B.8 : ἀεὶ καὶ μάχας καὶ πολιορκίας ἔχουσιν, ἀλλὰ καὶ
117230 787.B.9 : θυσίας ἔστιν ὅτε καὶ συνουσίας διὰ μέσου καὶ
117231 787.B.10 : σχολὴν ἄφθονον ἐν παιδιαῖς καὶ φλυαρίαις δέχονται.
117232 787.B.11 : πόθεν γε δὴ τὴν πολιτείαν φοβητέον, ὡς ἀπαραμύθητον
117233 787.B.12 : καὶ πολύπονον καὶ βαρεῖαν, ὅπου καὶ
117234 787.B.13 : θέατρα καὶ πομπαὶ καὶ νεμήσεις καὶ "χοροὶ καὶ
117235 787.C.1 : Μοῖσα καὶ Ἀγλαΐα" καὶ θεοῦ τινος ἀεὶ τιμὴ
117236 787.C.2 : τὰς ὀφρῦς λύουσα παντὸς ἀρχείου καὶ συνεδρίου
117237 787.C.3 : πολλαπλάσιον τὸ ἐπιτερπὲς καὶ κεχαρισμένον ἀποδίδωσιν;
117238 787.C.4 :
117239 787.C.5 : Ὃ τοίνυν μέγιστον κακὸν ἔχουσιν αἱ πολιτεῖαι,
117240 787.C.6 : τὸν φθόνον, ἥκιστα διερείδεται πρὸς τὸ
117241 787.C.7 : γῆρας· "κύνες γὰρ καὶ βαΰζουσιν ὃν ἂν μὴ γινώσκωσι"
117242 787.C.8 : καθ´ Ἡράκλειτον, καὶ πρὸς τὸν ἀρχόμενον
117243 787.C.9 : ὥσπερ ἐν θύραις τοῦ βήματος μάχεται καὶ πάροδον
117244 787.C.10 : οὐ δίδωσι· τὴν δὲ σύντροφον καὶ συνήθη δόξαν οὐκ
117245 787.C.11 : ἀγρίως οὐδὲ χαλεπῶς ἀλλὰ πράως ἀνέχεται. διὸ
117246 787.C.12 : τὸν φθόνον ἔνιοι τῷ καπνῷ παρεικάζουσι· πολὺς
117247 787.C.13 : γὰρ ἐν τοῖς ἀρχομένοις διὰ τὸ φλέγεσθαι προεκπίπτων,
117248 787.D.1 : ὅταν ἐκλάμψωσιν, ἀφανίζεται. καὶ ταῖς
117249 787.D.2 : μὲν ἄλλαις ὑπεροχαῖς προσμάχονται καὶ διαμφισβητοῦσιν
117250 787.D.3 : ἀρετῆς καὶ γένους καὶ φιλοτιμίας, ὡς
117251 787.D.4 : ἀφαιροῦντες αὑτῶν ὅσον ἄλλοις ὑφίενται· τὸ δ´
117252 787.D.5 : ἀπὸ τοῦ χρόνου πρωτεῖον, ὃ καλεῖται κυρίως
117253 787.D.6 : πρεσβεῖον, ἀζηλοτύπητόν ἐστι καὶ παραχωρούμενον·
117254 787.D.7 : οὐδεμιᾷ γὰρ οὕτω τιμῇ συμβέβηκε τὸν τιμῶντα
117255 787.D.8 : μᾶλλον ἢ τὸν τιμώμενον κοσμεῖν, ὡς τῇ τῶν
117256 787.D.9 : γερόντων. ἔτι τὴν μὲν ἀπὸ τοῦ πλούτου δύναμιν
117257 787.D.10 : ἢ λόγου δεινότητος ἢ σοφίας οὐ πάντες αὑτοῖς
117258 787.D.11 : γενήσεσθαι προσδοκῶσιν, ἐφ´ ἣν δὲ προάγει τὸ
117259 787.D.12 : γῆρας αἰδῶ καὶ δόξαν οὐδεὶς ἀπελπίζει τῶν
117260 787.D.13 : πολιτευομένων. οὐδὲν οὖν διαφέρει κυβερνήτου
117261 787.D.14 : πρὸς ἐναντίον κῦμα καὶ πνεῦμα πλεύσαντος ἐπισφαλῶς,
117262 787.E.1 : εὐδίας δὲ καὶ εὐαερίας γενομένης ὁρμίσασθαι
117263 787.E.2 : ζητοῦντος, ὁ τῷ φθόνῳ διαναυμαχήσας
117264 787.E.3 : πολὺν χρόνον, εἶτα παυσαμένου καὶ στορεσθέντος,
117265 787.E.4 : ἀνακρουόμενος ἐκ τῆς πολιτείας καὶ προϊέμενος
117266 787.E.5 : ἅμα ταῖς πράξεσι τὰς κοινωνίας καὶ τὰς ἑταιρείας.
117267 787.E.6 : ὅσῳ γὰρ χρόνος γέγονε πλείων, καὶ φίλους πλείονας
117268 787.E.7 : καὶ συναγωνιστὰς πεποίηκεν, οὓς οὔτε συνεξάγειν
117269 787.E.8 : ἑαυτῷ πάντας ἐνδέχεται καθάπερ διδασκάλῳ χορὸν
117270 787.F.1 : οὔτ´ ἐγκαταλείπειν δίκαιον· ἀλλ´ ὥσπερ τὰ παλαιὰ
117271 787.F.2 : δένδρα τὴν μακρὰν πολιτείαν οὐ ῥᾴδιόν ἐστιν
117272 787.F.3 : ἀνασπάσαι πολύρριζον οὖσαν καὶ πράγμασιν ἐμπεπλεγμένην,
117273 787.F.4 : ἃ πλείονας παρέχει ταραχὰς καὶ
117274 787.F.5 : σπαραγμοὺς ἀπερχομένοις ἢ μένουσιν. εἰ δέ τι
117275 787.F.6 : καὶ περίεστι φθόνου λείψανον ἢ φιλονεικίας πρὸς
117276 787.F.7 : τοὺς γέροντας ἐκ τῶν πολιτικῶν ἀγώνων, κατασβεστέον
117277 787.F.8 : τοῦτο τῇ δυνάμει μᾶλλον ἢ δοτέον τὰ
117278 787.F.9 : νῶτα, γυμνοὺς καὶ ἀόπλους ἀπιόντας· οὐ γὰρ
117279 787.F.10 : οὕτως ἀγωνιζομένοις φθονοῦντες ὡς ἀπειπαμένοις
117280 787.F.11 : καταφρονήσαντες ἐπιτίθενται.
117281 788.A.1 : Μαρτυρεῖ δὲ καὶ τὸ λεχθὲν ὑπ´ Ἐπαμεινώνδα
117282 788.A.2 : τοῦ μεγάλου πρὸς τοὺς Θηβαίους, ὅτε χειμῶνος
117283 788.A.3 : ὄντος οἱ Ἀρκάδες παρεκάλουν αὐτοὺς ἐν ταῖς οἰκίαις
117284 788.A.4 : διαιτᾶσθαι παρελθόντας εἰς τὴν πόλιν· οὐ γὰρ
117285 788.A.5 : εἴασεν, ἀλλὰ "νῦν μέν," ἔφη, "θαυμάζουσιν ὑμᾶς
117286 788.A.6 : καὶ θεῶνται πρὸς τὰ ὅπλα γυμναζομένους καὶ
117287 788.A.7 : παλαίοντας· ἂν δὲ πρὸς τῷ πυρὶ καθημένους ὁρῶσι
117288 788.A.8 : τὸν κύαμον κάπτοντας, οὐδὲν αὑτῶν ἡγήσονται
117289 788.A.9 : διαφέρειν." οὕτω δὴ σεμνόν ἐστι θέαμα πρεσβύτης
117290 788.B.1 : λέγων τι καὶ πράττων καὶ τιμώμενος, ὁ δ´ ἐν κλίνῃ
117291 788.B.2 : διημερεύων ἢ καθήμενος ἐν γωνίᾳ στοᾶς φλυαρῶν
117292 788.B.3 : καὶ ἀπομυττόμενος εὐκαταφρόνητος. τοῦτο δ´
117293 788.B.4 : ἀμέλει καὶ Ὅμηρος διδάσκει τοὺς ὀρθῶς ἀκούοντας·
117294 788.B.5 : ὁ μὲν γὰρ Νέστωρ στρατευόμενος ἐν Τροίᾳ σεμνὸς
117295 788.B.6 : ἦν καὶ πολυτίμητος, ὁ δὲ Πηλεὺς καὶ ὁ Λαέρτης
117296 788.B.7 : οἰκουροῦντες ἀπερρίφησαν καὶ κατεφρονήθησαν.
117297 788.B.8 : οὐδὲ γὰρ ἡ τοῦ φρονεῖν ἕξις ὁμοίως παραμένει τοῖς
117298 788.B.9 : μεθεῖσιν αὑτούς, ἀλλ´ ὑπ´ ἀργίας ἐξανιεμένη καὶ
117299 788.B.10 : ἀναλυομένη κατὰ μικρὸν ἀεί τινα ποθεῖ φροντίδος
117300 788.B.11 : μελέτην, τὸ λογιστικὸν καὶ πρακτικὸν ἐγειρούσης
117301 788.B.12 : καὶ διακαθαιρούσης·
117302 788.B.12 :
117303 788.B.13 : λάμπει γὰρ ἐν χρείαισιν, ὥσπερ εὐπρεπὴς
117304 788.B.14 : χαλκός.
117305 788.B.14 :
117306 788.C.1 : οὐ γὰρ τόσον σώματος ἀσθένεια κακὸν πρόσεστι
117307 788.C.2 : ταῖς πολιτείαις τῶν παρ´ ἡλικίαν ἐπὶ τὸ βῆμα καὶ
117308 788.C.3 : τὸ στρατήγιον βαδιζόντων, ὅσον ἔχουσιν ἀγαθὸν
117309 788.C.4 : τὴν εὐλάβειαν καὶ τὴν φρόνησιν, καὶ τὸ μὴ φερόμενον,
117310 788.C.5 : ἄλλοτε μὲν δι´ ἐσφαλμένα ὅτε δ´ ὑπὸ δόξης
117311 788.C.6 : κενῆς, προσπίπτειν πρὸς τὰ κοινὰ καὶ συνεφέλκεσθαι
117312 788.C.7 : τὸν ὄχλον, ὥσπερ θάλατταν ὑπὸ πνευμάτων ἐκταραττόμενον,
117313 788.C.8 : ἀλλὰ πράως τε χρῆσθαι καὶ μετρίως
117314 788.C.9 : τοῖς ἐντυγχάνουσιν. ὅθεν αἱ πόλεις, ὅταν πταίσωσιν
117315 788.C.10 : ἢ φοβηθῶσι, πρεσβυτέρων ποθοῦσιν ἀρχὴν
117316 788.D.1 : ἀνθρώπων· καὶ πολλάκις ἐξ ἀγροῦ κατάγουσαι
117317 788.D.2 : γέροντα μὴ δεόμενον μηδὲ βουλόμενον ἠνάγκασαν
117318 788.D.3 : ὥσπερ οἰάκων ἐφαψάμενον εἰς ἀσφαλὲς καταστῆσαι
117319 788.D.4 : τὰ πράγματα, παρωσάμεναί τε στρατηγοὺς καὶ
117320 788.D.5 : δημαγωγοὺς βοᾶν μέγα καὶ λέγειν ἀπνευστὶ καὶ νὴ
117321 788.D.6 : Δία τοῖς πολεμίοις διαβάντας εὖ μάχεσθαι δυναμένους·
117322 788.D.7 : οἷον οἱ ῥήτορες Ἀθήνησι Τιμοθέῳ καὶ
117323 788.D.8 : Ἰφικράτει Χάρητα τὸν Θεοχάρους ἐπαποδύοντες
117324 788.D.9 : ἀκμάζοντα τῷ σώματι καὶ ῥωμαλέον ἠξίουν τοιοῦτον
117325 788.D.10 : εἶναι τὸν τῶν Ἀθηναίων στρατηγόν, ὁ
117326 788.E.1 : δὲ Τιμόθεος "οὐ μὰ τοὺς θεούς," εἶπεν, "ἀλλὰ
117327 788.E.2 : τοιοῦτον μὲν εἶναι τὸν μέλλοντα τῷ στρατηγῷ τὰ
117328 788.E.3 : στρώματα κομίζειν, τὸν δὲ στρατηγόν ’ἅμα πρόσω
117329 788.E.4 : καὶ ὀπίσω‘ τῶν πραγμάτων ὁρῶντα καὶ μηδενὶ
117330 788.E.5 : πάθει τοὺς περὶ τῶν συμφερόντων λογισμοὺς ἐπιταραττόμενον."
117331 788.E.6 : ὁ γὰρ Σοφοκλῆς ἄσμενος ἔφη τὰ
117332 788.E.7 : ἀφροδίσια γεγηρακὼς ἀποπεφευγέναι καθάπερ ἄγριον
117333 788.E.8 : καὶ λυσσῶντα δεσπότην· ἐν δὲ ταῖς πολιτείαις
117334 788.E.9 : οὐχ ἕνα δεῖ δεσπότην, ἔρωτα παίδων ἢ γυναικῶν,
117335 788.E.10 : ἀποφεύγειν, ἀλλὰ πολλοὺς μανικωτέρους τούτου,
117336 788.E.11 : φιλονεικίαν, φιλοδοξίαν, τὴν τοῦ πρῶτον εἶναι καὶ
117337 788.E.12 : μέγιστον ἐπιθυμίαν, γονιμώτατον φθόνου νόσημα
117338 788.F.1 : καὶ ζηλοτυπίας καὶ διχοστασίας· ὧν τὰ μὲν ἀνίησι
117339 788.F.2 : καὶ παραμβλύνει, τὰ δ´ ὅλως ἀποσβέννυσι καὶ
117340 788.F.3 : καταψύχει τὸ γῆρας, οὐ τοσοῦτον τῆς πρακτικῆς
117341 788.F.4 : ὁρμῆς παραιρούμενον, ὅσον τῶν ἀκρατῶν καὶ διαπύρων
117342 788.F.5 : ἀπερύκει παθῶν, ὥστε νήφοντα καὶ καθεστηκότα
117343 788.F.6 : τὸν λογισμὸν ἐπάγειν ταῖς φροντίσιν.
117344 788.F.7 : Οὐ μὴν ἀλλ´ ἔστω καὶ δοκείτω διατρεπτικὸς
117345 788.F.8 : εἶναι λόγος πρὸς τὸν ἀρχόμενον ἐν πολιαῖς νεανιεύεσθαι
117346 788.F.9 : λεγόμενος καὶ καθαπτόμενος ἐκ μακρᾶς
117347 788.F.10 : οἰκουρίας ὥσπερ νοσηλείας ἐξανισταμένου καὶ
117348 788.F.11 : κινουμένου γέροντος ἐπὶ στρατηγίαν ἢ πραγματείαν,
117349 788.F.11 :
117350 788.F.12 : μέν´, ὦ ταλαίπωρ´, ἀτρέμα σοῖς ἐν δεμνίοις·
117351 788.F.12 :
117352 789.A.1 : ὁ δὲ τὸν ἐμβεβιωκότα πολιτικαῖς πράξεσι καὶ διηγωνισμένον
117353 789.A.2 : οὐκ ἐῶν ἐπὶ τὴν δᾷδα καὶ τὴν κορωνίδα
117354 789.A.3 : τοῦ βίου προελθεῖν, ἀλλ´ ἀνακαλούμενος καὶ
117355 789.A.4 : κελεύων ὥσπερ ἐξ ὁδοῦ μακρᾶς μεταβαλέσθαι,
117356 789.A.5 : παντάπασιν ἀγνώμων καὶ μηδὲν ἐκείνῳ προσεοικώς
117357 789.A.6 : ἐστιν. ὥσπερ γὰρ ὁ γαμεῖν παρασκευαζόμενον
117358 789.A.7 : γέροντ´ ἐστεφανωμένον καὶ μυριζόμενον
117359 789.A.8 : ἀποτρέπων καὶ λέγων τὰ πρὸς τὸν Φιλοκτήτην
117360 789.A.8 :
117361 789.A.9 : τίς δ´ ἄν σε νύμφη, τίς δὲ παρθένος νέα
117362 789.A.10 : δέξαιτ´ ἄν; εὖ γοῦν ὡς γαμεῖν ἔχεις τάλας
117363 789.B.1 : οὐκ ἄτοπός ἐστι· καὶ γὰρ αὐτοὶ πολλὰ τοιαῦτα
117364 789.B.2 : παίζουσιν εἰς ἑαυτούς
117365 789.B.2 :
117366 789.B.3 : γαμῶ γέρων, εὖ οἶδα, καὶ τοῖς γείτοσιν·
117367 789.B.3 :
117368 789.B.4 : ὁ δὲ τὸν πάλαι συνοικοῦντα καὶ συμβιοῦντα πολὺν
117369 789.B.5 : χρόνον ἀμέμπτως οἰόμενος δεῖν ἀφεῖναι διὰ τὸ
117370 789.B.6 : γῆρας τὴν γυναῖκα καὶ ζῆν καθ´ ἑαυτὸν ἢ παλλακίδιον
117371 789.B.7 : ἀντὶ τῆς γαμετῆς ἐπισπάσασθαι, σκαιότητος
117372 789.B.8 : ὑπερβολὴν οὐκ ἀπολέλοιπεν· οὕτως ἔχει τινὰ λόγον
117373 789.B.9 : τὸ προσιόντα δήμῳ πρεσβύτην, ἢ Χλίδωνα τὸν
117374 789.B.10 : γεωργὸν ἢ Λάμπωνα τὸν ναύκληρον ἤ τινα τῶν ἐκ
117375 789.B.11 : τοῦ κήπου φιλοσόφων, νουθετῆσαι καὶ κατασχεῖν
117376 789.C.1 : ἐπὶ τῆς συνήθους ἀπραγμοσύνης· ὁ δὲ Φωκίωνος
117377 789.C.2 : ἢ Κάτωνος ἢ Περικλέους ἐπιλαβόμενος καὶ λέγων
117378 789.C.3 : "ὦ ξέν´ Ἀθηναῖε ἢ Ῥωμαῖε,
117379 789.C.3 :
117380 789.C.4 : ἀζαλέῳ γήρᾳ κρᾶτ´ ἀνθίζων κήδει,
117381 789.C.4 :
117382 789.C.5 : γραψάμενος ἀπόλειψιν τῇ πολιτείᾳ καὶ τὰς περὶ
117383 789.C.6 : τὸ βῆμα καὶ τὸ στρατήγιον ἀφεὶς διατριβὰς καὶ
117384 789.C.7 : τὰς φροντίδας εἰς ἀγρὸν ἐπείγου σὺν ἀμφιπόλῳ
117385 789.C.8 : τῇ γεωργίᾳ συνεσόμενος ἢ πρὸς οἰκονομίᾳ τινὶ καὶ
117386 789.C.9 : λογισμοῖς διαθησόμενος τὸν λοιπὸν χρόνον," ἄδικα
117387 789.C.10 : πείθει καὶ ἀχάριστα πράττειν τὸν πολιτικόν.
117388 789.C.11 : Τί οὖν; φήσαι τις ἄν, οὐκ ἀκούομεν ἐν
117389 789.C.12 : κωμῳδίᾳ στρατιώτου λέγοντος
117390 789.C.12 :
117391 789.C.13 : λευκή με θρὶξ ἀπόμισθον ἐντεῦθεν ποιεῖ;
117392 789.C.14 : πάνυ μὲν οὖν, ὦ ἑταῖρε· τοὺς γὰρ Ἄρεος θεράποντας
117393 789.C.15 : ἡβᾶν πρέπει καὶ ἀκμάζειν, οἷα δή
117394 789.C.15 :
117395 789.C.16 : πόλεμον πολέμοιό τε μέρμερα ἔργα
117396 789.C.16 :
117397 789.D.1 : διέποντας, ἐν οἷς τοῦ γέροντος κἂν τὸ κράνος
117398 789.D.2 : ἀποκρύψῃ τὰς πολιάς,
117399 789.D.2 :
117400 789.D.3 : ἀλλά τε λάθρῃ γυῖα βαρύνεται
117401 789.D.3 :
117402 789.D.4 : καὶ προαπολείπει τῆς προθυμίας ἡ δύναμις· τοὺς
117403 789.D.5 : δὲ τοῦ Βουλαίου καὶ Ἀγοραίου καὶ Πολιέως Διὸς
117404 789.D.6 : ὑπηρέτας οὐ ποδῶν ἔργα καὶ χειρῶν ἀπαιτοῦμεν,
117405 789.D.7 : ἀλλὰ βουλῆς καὶ προνοίας καὶ λόγου, μὴ ῥαχίαν
117406 789.D.8 : ποιοῦντος ἐν δήμῳ καὶ ψόφον ἀλλὰ νοῦν ἔχοντος
117407 789.D.9 : καὶ φροντίδα πεπνυμένην καὶ ἀσφάλειαν· οἷς
117408 789.D.10 : ἡ γελωμένη πολιὰ καὶ ῥυτὶς ἐμπειρίας μάρτυς
117409 789.D.11 : ἐπιφαίνεται, καὶ πειθοῦς συνεργὸν αὐτῷ καὶ δόξαν
117410 789.E.1 : ἤθους προστίθησι. πειθαρχικὸν γὰρ ἡ νεότης
117411 789.E.2 : ἡγεμονικὸν δὲ τὸ γῆρας, καὶ μάλιστα σῴζεται πόλις
117412 789.E.2 :
117413 789.E.3 : ἔνθα βουλαὶ γερόντων, καὶ νέων ἀνδρῶν ἀριστεύοισιν
117414 789.E.4 : αἰχμαί·
117415 789.E.4 :
117416 789.E.5 : καὶ τὸ
117417 789.E.5 :
117418 789.E.6 : βουλὴν δὲ πρῶτον μεγαθύμων ἷζε γερόντων
117419 789.E.7 : Νεστορέῃ παρὰ νηὶ
117420 789.E.7 :
117421 789.E.8 : θαυμαστῶς ἐπαινεῖται. διὸ τὴν μὲν ἐν Λακεδαίμονι
117422 789.E.9 : παραζευχθεῖσαν ἀριστοκρατίαν τοῖς βασιλεῦσιν
117423 789.E.10 : ὁ Πύθιος "πρεσβυγενέας" ὁ δὲ Λυκοῦργος
117424 789.E.11 : ἄντικρυς "γέροντας" ὠνόμασεν, ἡ δὲ Ῥωμαίων
117425 789.E.12 : σύγκλητος ἄχρι νῦν "γερουσία" καλεῖται. καὶ
117426 789.E.13 : καθάπερ ὁ νόμος τὸ διάδημα καὶ τὸν στέφανον,
117427 789.E.14 : οὕτω τὴν πολιὰν ἡ φύσις ἔντιμον ἡγεμονικοῦ σύμβολον
117428 789.F.1 : ἀξιώματος ἐπιτίθησι· καὶ τὸ "γέρας" οἶμαι
117429 789.F.2 : καὶ τὸ "γεραίρειν" ὄνομα σεμνὸν ἀπὸ τῶν γερόντων
117430 789.F.3 : γενόμενον διαμένει, οὐχ ὅτι θερμολουτοῦσι καὶ
117431 789.F.4 : καθεύδουσι μαλακώτερον, ἀλλ´ ὡς βασιλικὴν ἐχόντων
117432 789.F.5 : τάξιν ἐν ταῖς πόλεσι κατὰ τὴν φρόνησιν, ἧς
117433 789.F.6 : καθάπερ ὀψικάρπου φυτοῦ τὸ οἰκεῖον ἀγαθὸν καὶ
117434 789.F.7 : τέλειον ἐν γήρᾳ μόλις ἡ φύσις ἀποδίδωσι. τὸν
117435 789.F.8 : γοῦν βασιλέα τῶν βασιλέων εὐχόμενον τοῖς θεοῖς
117436 789.F.8 :
117437 789.F.9 : τοιοῦτοι δέκα μοι συμφράδμονες εἶεν Ἀχαιῶν,
117438 789.F.9 :
117439 790.A.1 : οἷος ἦν ὁ Νέστωρ, οὐδεὶς ἐμέμψατο τῶν "ἀρηίων"
117440 790.A.2 : καὶ "μένεα πνεόντων Ἀχαιῶν," ἀλλὰ συνεχώρουν
117441 790.A.3 : ἅπαντες οὐκ ἐν πολιτείᾳ μόνον ἀλλὰ καὶ ἐν πολέμῳ
117442 790.A.4 : μεγάλην ἔχειν ῥοπὴν τὸ γῆρας·
117443 790.A.4 :
117444 790.A.5 : σοφὸν γὰρ ἓν βούλευμα τὰς πολλὰς χέρας
117445 790.A.6 : νικᾷ
117446 790.A.6 :
117447 790.A.7 : καὶ μία γνώμη λόγον ἔχουσα καὶ πειθὼ τὰ κάλλιστα
117448 790.A.8 : καὶ μέγιστα διαπράττεται τῶν κοινῶν.
117449 790.A.9 : Ἀλλὰ μὴν ἥ γε βασιλεία, τελεωτάτη πασῶν
117450 790.A.10 : οὖσα καὶ μεγίστη τῶν πολιτειῶν, πλείστας φροντίδας
117451 790.A.11 : ἔχει καὶ πόνους καὶ ἀσχολίας· τὸν γοῦν Σέλευκον
117452 790.A.12 : ἑκάστοτε λέγειν ἔφασαν, εἰ γνοῖεν οἱ πολλοὶ
117453 790.A.13 : τὸ γράφειν μόνον ἐπιστολὰς τοσαύτας καὶ ἀναγινώσκειν
117454 790.B.1 : ὡς ἐργῶδές ἐστιν, ἐρριμμένον οὐκ ἂν ἀνελέσθαι
117455 790.B.2 : διάδημα· τὸν δὲ Φίλιππον ἐν καλῷ χωρίῳ
117456 790.B.3 : μέλλοντα καταστρατοπεδεύειν, ὡς ἤκουσεν ὅτι
117457 790.B.4 : χόρτος οὐκ ἔστι τοῖς ὑποζυγίοις "ὦ Ἡράκλεις,"
117458 790.B.5 : εἰπεῖν, "οἷος ἡμῶν ὁ βίος, εἰ καὶ πρὸς τὸν τῶν
117459 790.B.6 : ὄνων καιρὸν ὀφείλομεν ζῆν." ὥρα τοίνυν καὶ
117460 790.B.7 : βασιλεῖ παραινεῖν πρεσβύτῃ γεγενημένῳ τὸ μὲν
117461 790.B.8 : διάδημα καταθέσθαι καὶ τὴν πορφύραν, ἱμάτιον δ´
117462 790.B.9 : ἀναλαβόντα καὶ καμπύλην ἐν ἀγρῷ διατρίβειν, μὴ
117463 790.B.10 : δοκῇ περίεργα καὶ ἄωρα πράττειν ἐν πολιαῖς
117464 790.B.11 : βασιλεύων. εἰ δ´ οὐκ ἄξιον ταῦτα λέγειν περὶ
117465 790.C.1 : Ἀγησιλάου καὶ Νομᾶ καὶ Δαρείου, μηδὲ τῆς ἐξ
117466 790.C.2 : Ἀρείου πάγου βουλῆς Σόλωνα μηδὲ τῆς συγκλήτου
117467 790.C.3 : Κάτωνα διὰ τὸ γῆρας ἐξάγωμεν, οὐκοῦν μηδὲ
117468 790.C.4 : Περικλεῖ συμβουλεύωμεν ἐγκαταλιπεῖν τὴν δημοκρατίαν·
117469 790.C.5 : οὐδὲ γὰρ ἄλλως λόγον ἔχει νέον ὄντα
117470 790.C.6 : κατασκιρτῆσαι τοῦ βήματος, εἶτ´ ἐκχέαντα τὰς
117471 790.C.7 : μανικὰς ἐκείνας φιλοτιμίας καὶ ὁρμὰς εἰς τὸ δημόσιον,
117472 790.C.8 : ὅταν ἡ τὸ φρονεῖν ἐπιφέρουσα δι´ ἐμπειρίαν
117473 790.C.9 : ἡλικία παραγένηται, προέσθαι καὶ καταλιπεῖν ὥσπερ
117474 790.C.10 : γυναῖκα τὴν πολιτείαν καταχρησάμενον.
117475 790.C.11 : Ἡ μὲν γὰρ Αἰσώπειος ἀλώπηξ τὸν ἐχῖνον
117476 790.C.12 : οὐκ εἴα τοὺς κρότωνας αὐτῆς ἀφαιρεῖν βουλόμενον·
117477 790.D.1 : "ἂν γὰρ τούτους," ἔφη, "μεστοὺς ἀπαλλάξῃς,
117478 790.D.2 : ἕτεροι προσίασι πεινῶντες"· τὴν δὲ πολιτείαν ἀεὶ
117479 790.D.3 : τοὺς γέροντας ἀποβάλλουσαν ἀναπίμπλασθαι νέων
117480 790.D.4 : ἀνάγκη διψώντων δόξης καὶ δυνάμεως, νοῦν δὲ
117481 790.D.5 : πολιτικὸν οὐκ ἐχόντων· πόθεν γὰρ, εἰ μηδενὸς
117482 790.D.6 : ἔσονται μαθηταὶ μηδὲ θεαταὶ πολιτευομένου γέροντος;
117483 790.D.7 : ἢ πλοίων μὲν ἄρχοντας οὐ ποιεῖ γράμματα
117484 790.D.8 : κυβερνητικά, μὴ πολλάκις γενομένους ἐν πρύμνῃ
117485 790.D.9 : θεατὰς τῶν πρὸς κῦμα καὶ πνεῦμα καὶ νύκτα
117486 790.D.10 : χειμέριον ἀγώνων,
117487 790.D.10 :
117488 790.D.11 : ὅτε Τυνδαριδᾶν ἀδελφῶν ἅλιον ναύταν πόθος
117489 790.D.12 : βάλλει,
117490 790.D.12 :
117491 790.D.13 : πόλιν δὲ μεταχειρίσασθαι καὶ πεῖσαι δῆμον ἢ
117492 790.E.1 : βουλὴν δύναιτ´ ἂν ὀρθῶς νέος ἀναγνοὺς βίβλον
117493 790.E.2 : ἢ σχολὴν περὶ πολιτείας ἐν Λυκείῳ γραψάμενος,
117494 790.E.3 : ἂν μὴ παρ´ ἡνίαν καὶ παρ´ οἴακα πολλάκις στὰς
117495 790.E.4 : δημαγωγῶν καὶ στρατηγῶν ἀγωνιζομένων ἐμπειρίαις
117496 790.E.5 : ἅμα καὶ τύχαις συναποκλίνων ἐπ´ ἀμφότερα,
117497 790.E.6 : μετὰ κινδύνων καὶ πραγμάτων λάβῃ τὴν μάθησιν;
117498 790.E.7 : οὐκ ἔστιν εἰπεῖν· ἀλλ´ εἰ διὰ μηδὲν ἄλλο τῷ γέροντι
117499 790.E.8 : παιδείας ἕνεκα τῶν νέων καὶ διδασκαλίας πολιτευτέον
117500 790.E.9 : ἐστίν. ὡς γὰρ οἱ γράμματα καὶ μουσικὴν
117501 790.E.10 : διδάσκοντες, αὐτοὶ προανακρούονται καὶ προαναγινώσκουσιν
117502 790.F.1 : ὑφηγούμενοι τοῖς μανθάνουσιν, οὕτως
117503 790.F.2 : ὁ πολιτικὸς οὐ λέγων μόνον οὐδ´ ὑπαγορεύων
117504 790.F.3 : ἔξωθεν ἀλλὰ πράττων τὰ κοινὰ καὶ διοικῶν ἐπευθύνει
117505 790.F.4 : τὸν νέον, ἔργοις ἅμα καὶ λόγοις πλαττόμενον
117506 790.F.5 : ἐμψύχως καὶ κατασχηματιζόμενον. ὁ γὰρ
117507 790.F.6 : τοῦτον ἀσκηθεὶς τὸν τρόπον οὐκ ἐν παλαίστραις
117508 790.F.7 : καὶ κηρώμασιν ἀκινδύνοις εὐρύθμων σοφιστῶν,
117509 790.F.8 : ἀλλ´ ὡς ἀληθῶς ἐν Ὀλυμπιακοῖς καὶ Πυθικοῖς
117510 790.F.9 : ἀγῶσιν
117511 790.F.9 :
117512 790.F.10 : ἄθηλος ἵππῳ πῶλος ὣς ἅμα τρέχει
117513 790.F.10 :
117514 790.F.11 : κατὰ Σιμωνίδην, ὡς Ἀριστείδης Κλεισθένει καὶ
117515 791.A.1 : Κίμων Ἀριστείδῃ καὶ Φωκίων Χαβρίᾳ καὶ Κάτων
117516 791.A.2 : Μαξίμῳ Φαβίῳ καὶ Σύλλᾳ Πομπήιος καὶ Φιλοποίμενι
117517 791.A.3 : Πολύβιος· νέοι γὰρ ὄντες πρεσβυτέροις
117518 791.A.4 : ἐπιβάλλοντες, εἶθ´ οἷον παραβλαστάνοντες καὶ συνεξανιστάμενοι
117519 791.A.5 : ταῖς ἐκείνων πολιτείαις καὶ πράξεσιν,
117520 791.A.6 : ἐμπειρίαν καὶ συνήθειαν ἐκτῶντο πρὸς τὰ
117521 791.A.7 : κοινὰ μετὰ δόξης καὶ δυνάμεως.
117522 791.A.8 : Ὁ μὲν οὖν Ἀκαδημαϊκὸς Αἰσχίνης, σοφιστῶν
117523 791.A.9 : τινων λεγόντων ὅτι προσποιεῖται γεγονέναι
117524 791.A.10 : Καρνεάδου μὴ γεγονὼς μαθητής, "ἀλλὰ τότε γ´,"
117525 791.A.11 : εἶπεν, "ἐγὼ Καρνεάδου διήκουον, ὅτε τὴν ῥαχίαν
117526 791.B.1 : καὶ τὸν ψόφον ἀφεικὼς ὁ λόγος αὐτοῦ διὰ τὸ γῆρας
117527 791.B.2 : εἰς τὸ χρήσιμον συνῆκτο καὶ κοινωνικόν"· τῆς δὲ
117528 791.B.3 : πρεσβυτικῆς πολιτείας οὐ τῷ λόγῳ μόνον ἀλλὰ καὶ
117529 791.B.4 : ταῖς πράξεσιν ἀπηλλαγμένης πανηγυρισμοῦ καὶ
117530 791.B.5 : δοξοκοπίας, ὥσπερ τὴν ἶριν λέγουσιν ὅταν παλαιὰ
117531 791.B.6 : γενομένη τὸ βρομῶδες ἀποπνεύσῃ καὶ θολερὸν
117532 791.B.7 : εὐωδέστερον τὸ ἀρωματικὸν ἴσχειν, οὕτως οὐδέν
117533 791.B.8 : ἐστι δόγμα γεροντικὸν οὐδὲ βούλευμα τεταραγμένον
117534 791.B.9 : ἀλλ´ ἐμβριθῆ πάντα καὶ καθεστῶτα. διὸ καὶ
117535 791.B.10 : τῶν νέων ἕνεκα δεῖ, καθάπερ εἴρηται, πολιτεύεσθαι
117536 791.B.11 : τὸν πρεσβύτην, ἵνα, ὃν τρόπον φησὶ Πλάτων ἐπὶ
117537 791.B.12 : τοῦ μιγνυμένου πρὸς ὕδωρ ἀκράτου, μαινόμενον
117538 791.C.1 : θεὸν ἑτέρῳ θεῷ νήφοντι σωφρονίζεσθαι κολαζόμενον,
117539 791.C.2 : οὕτως εὐλάβεια γεροντικὴ κεραννυμένη
117540 791.C.3 : πρὸς ζέουσαν ἐν δήμῳ νεότητα, βακχεύουσαν ὑπὸ
117541 791.C.4 : δόξης καὶ φιλοτιμίας, ἀφαιρῇ τὸ μανικὸν καὶ
117542 791.C.5 : λίαν ἄκρατον.
117543 791.C.6 : Ἄνευ δὲ τούτων ἁμαρτάνουσιν οἱ οἷον τὸ
117544 791.C.7 : πλεῦσαι καὶ τὸ στρατεύσασθαι, τοιοῦτον ἡγούμενοι
117545 791.C.8 : καὶ τὸ πολιτεύσασθαι πρὸς ἄλλο τι πραττόμενον,
117546 791.C.9 : εἶτα καταλῆγον ἐν τῷ τυχεῖν ἐκείνου· λειτουργία
117547 791.C.10 : γὰρ οὐκ ἔστιν ἡ πολιτεία τὴν χρείαν ἔχουσα πέρας,
117548 791.C.11 : ἀλλὰ βίος ἡμέρου καὶ πολιτικοῦ καὶ κοινωνικοῦ
117549 791.C.12 : ζῴου καὶ πεφυκότος ὅσον χρὴ χρόνον πολιτικῶς καὶ
117550 791.C.13 : φιλοκάλως καὶ φιλανθρώπως ζῆν. διὸ πολιτεύεσθαι
117551 791.C.14 : καθῆκόν ἐστιν οὐ πεπολιτεῦσθαι, καθάπερ
117552 791.C.15 : ἀληθεύειν οὐκ ἀληθεῦσαι καὶ δικαιοπραγεῖν οὐ
117553 791.C.16 : δικαιοπραγῆσαι καὶ φιλεῖν οὐ φιλῆσαι τὴν πατρίδα
117554 791.D.1 : καὶ τοὺς πολίτας. ἐπὶ ταῦτα γὰρ ἡ φύσις ἄγει, καὶ
117555 791.D.2 : ταύτας ὑπαγορεύει τὰς φωνὰς τοῖς μὴ διεφθορόσι
117556 791.D.3 : τελείως ὑπ´ ἀργίας καὶ μαλακίας·
117557 791.D.3 :
117558 791.D.4 : πολλοῦ σε θνητοῖς ἄξιον τίκτει πατὴρ
117559 791.D.4 :
117560 791.D.5 : καὶ
117561 791.D.5 :
117562 791.D.6 : μή τι παυσώμεσθα δρῶντες εὖ βροτούς.
117563 791.D.6 :
117564 791.D.7 : Οἱ δὲ τὰς ἀρρωστίας προβαλλόμενοι καὶ τὰς
117565 791.D.8 : ἀδυναμίας νόσου καὶ πηρώσεως μᾶλλον ἢ γήρως
117566 791.D.9 : κατηγοροῦσι· καὶ γὰρ νέοι πολλοὶ νοσώδεις καὶ
117567 791.D.10 : ῥωμαλέοι γέροντες· ὥστε δεῖ μὴ τοὺς γέροντας
117568 791.D.11 : ἀλλὰ τοὺς ἀδυνάτους ἀποτρέπειν, μηδὲ τοὺς νέους
117569 791.E.1 : παρακαλεῖν ἀλλὰ τοὺς δυναμένους. καὶ γὰρ καὶ
117570 791.E.2 : Ἀριδαῖος ἦν νέος γέρων δ´ Ἀντίγονος, ἀλλ´ ὁ μὲν
117571 791.E.3 : ἅπασαν ὀλίγου δεῖν κατεκτήσατο τὴν Ἀσίαν, ὁ δ´
117572 791.E.4 : ὥσπερ ἐπὶ σκηνῆς δορυφόρημα κωφὸν ἦν ὄνομα
117573 791.E.5 : βασιλέως καὶ πρόσωπον ὑπὸ τῶν ἀεὶ κρατούντων
117574 791.E.6 : παροινούμενον. ὥσπερ οὖν ὁ Πρόδικον τὸν σοφιστὴν
117575 791.E.7 : ἢ Φιλήταν τὸν ποιητὴν ἀξιῶν πολιτεύεσθαι.
117576 791.E.8 : νέους μὲν ἰσχνοὺς δὲ καὶ νοσώδεις καὶ τὰ πολλὰ
117577 791.E.9 : κλινοπετεῖς δι´ ἀρρωστίαν ὄντας, ἀβέλτερός ἐστιν·
117578 791.E.10 : οὕτως ὁ κωλύων ἄρχειν καὶ στρατηγεῖν τοιούτους
117579 791.E.11 : γέροντας, οἷος ἦν Φωκίων οἷος ἦν Μασανάσσης ὁ
117580 791.E.12 : Λίβυς οἷος Κάτων ὁ Ῥωμαῖος. ὁ μὲν γὰρ Φωκίων,
117581 791.E.13 : ὡρμημένων πολεμεῖν ἀκαίρως τῶν Ἀθηναίων,
117582 791.F.1 : παρήγγειλε τοὺς ἄχρι ἑξήκοντ´ ἐτῶν ἀκολουθεῖν
117583 791.F.2 : ὅπλα λαβόντας· ὡς δ´ ἠγανάκτουν, "οὐδέν," ἔφη,
117584 791.F.3 : "δεινόν· ἐγὼ γὰρ ἔσομαι μεθ´ ὑμῶν ὁ στρατηγὸς
117585 791.F.4 : ὑπὲρ ὀγδοήκοντ´ ἔτη γεγονώς." Μασανάσσην δ´
117586 791.F.5 : ἱστορεῖ Πολύβιος ἐνενήκοντα μὲν ἐτῶν ἀποθανεῖν,
117587 791.F.6 : τετράετες καταλιπόντα παιδάριον ἐξ αὐτοῦ γεγενημένον,
117588 791.F.7 : ὀλίγῳ δ´ ἔμπροσθεν τῆς τελευτῆς μάχῃ
117589 792.A.1 : νικήσαντα μεγάλῃ Καρχηδονίους ὀφθῆναι τῇ ὑστεραίᾳ
117590 792.A.2 : πρὸ τῆς σκηνῆς ῥυπαρὸν ἄρτον ἐσθίοντα, καὶ
117591 792.A.3 : πρὸς τοὺς θαυμάζοντας εἰπεῖν, ὅτι τοῦτο ποιεῖ
117592 792.A.3 :
117593 792.A.4 : λάμπει γὰρ ἐν χρείαισιν ὥσπερ εὐπρεπὴς
117594 792.A.5 : χαλκός· χρόνῳ δ´ ἀργῆσαν ἤμυσε στέγος,
117595 792.A.5 :
117596 792.A.6 : ὥς φησι Σοφοκλῆς· ὡς δ´ ἡμεῖς φαμεν, ἐκεῖνο τῆς
117597 792.A.7 : ψυχῆς τὸ γάνωμα καὶ τὸ φέγγος, ᾧ λογιζόμεθα καὶ
117598 792.A.8 : μνημονεύομεν καὶ φρονοῦμεν.
117599 792.A.9 : Διὸ καὶ τοὺς βασιλεῖς φασι γίγνεσθαι βελτίονας
117600 792.A.10 : ἐν τοῖς πολέμοις καὶ ταῖς στρατείαις ἢ
117601 792.A.11 : σχολὴν ἄγοντας. Ἄτταλον γοῦν τὸν Εὐμένους
117602 792.B.1 : ἀδελφόν, ὑπ´ ἀργίας μακρᾶς καὶ εἰρήνης ἐκλυθέντα
117603 792.B.2 : κομιδῇ, Φιλοποίμην εἷς τῶν ἑταίρων ἐποίμαινεν
117604 792.B.3 : ἀτεχνῶς πιαινόμενον· ὥστε καὶ τοὺς Ῥωμαίους
117605 792.B.4 : παίζοντας ἑκάστοτε διαπυνθάνεσθαι παρὰ τῶν ἐξ
117606 792.B.5 : Ἀσίας πλεόντων, εἰ δύναται παρὰ τῷ Φιλοποίμενι
117607 792.B.6 : βασιλεύς. Λευκόλλου δὲ Ῥωμαίων οὐ πολλοὺς ἄν
117608 792.B.7 : τις εὕροι δεινοτέρους στρατηγούς, ὅτε τῷ πράττειν
117609 792.B.8 : τὸ φρονεῖν συνεῖχεν· ἐπεὶ δὲ μεθῆκεν ἑαυτὸν εἰς
117610 792.B.9 : βίον ἄπρακτον καὶ δίαιταν οἰκουρὸν καὶ ἄφροντιν,
117611 792.B.10 : ὥσπερ οἱ σπόγγοι ταῖς γαλήναις ἐννεκρωθεὶς καὶ
117612 792.B.11 : καταμαρανθείς, εἶτα Καλλισθένει τινὶ τῶν ἀπελευθόρων
117613 792.C.1 : βόσκειν καὶ τιθασεύειν παρέχων τὸ γῆρας,
117614 792.C.2 : ἐδόκει καταφαρμακεύεσθαι φίλτροις ὑπ´ αὐτοῦ καὶ
117615 792.C.3 : γοητεύμασιν, ἄχρι οὗ Μάρκος ὁ ἀδελφὸς ἀπελάσας
117616 792.C.4 : τὸν ἄνθρωπον αὐτὸς ᾠκονόμει καὶ ἐπαιδαγώγει τὸν
117617 792.C.5 : λοιπὸν αὐτοῦ βίον, οὐ πολὺν γενόμενον. ἀλλὰ Δαρεῖος
117618 792.C.6 : ὁ Ξέρξου πατὴρ ἔλεγεν αὐτὸς αὑτοῦ παρὰ τὰ
117619 792.C.7 : δεινὰ γίγνεσθαι φρονιμώτερος, ὁ δὲ Σκύθης Ἀτέας
117620 792.C.8 : μηδὲν οἴεσθαι τῶν ἱπποκόμων διαφέρειν ἑαυτόν,
117621 792.C.9 : ὅτε σχολάζοι· Διονύσιος δ´ ὁ πρεσβύτερος πρὸς τὸν
117622 792.C.10 : πυθόμενον εἰ σχολάζοι "μηδέποτ´," εἶπεν, "ἐμοὶ
117623 792.C.11 : τοῦτο συμβαίη." τόξον μὲν γάρ, ὥς φασιν, ἐπιτεινόμενον
117624 792.D.1 : ῥήγνυται, ψυχὴ δ´ ἀνιεμένη. καὶ γὰρ
117625 792.D.2 : ἁρμονικοὶ τὸ κατακούειν ἡρμοσμένου καὶ γεωμέτραι
117626 792.D.3 : τὸ ἀναλύειν καὶ ἀριθμητικοὶ τὴν ἐν τῷ λογίζεσθαι
117627 792.D.4 : συνέχειαν ἐκλιπόντες ἅμα ταῖς ἐνεργείαις ἀμαυροῦσι
117628 792.D.5 : ταῖς ἡλικίαις τὰς ἕξεις, καίπερ οὐ πρακτικὰς ἀλλὰ
117629 792.D.6 : θεωρητικὰς τέχνας ἔχοντες· ἡ δὲ τῶν πολιτικῶν
117630 792.D.7 : ἕξις, εὐβουλία καὶ φρόνησις καὶ δικαιοσύνη, πρὸς δὲ
117631 792.D.8 : τούτοις ἐμπειρία στοχαστικὴ καιρῶν καὶ λόγων,
117632 792.D.9 : πειθοῦς δημιουργὸς δύναμις οὖσα, τῷ λέγειν ἀεί τι
117633 792.D.10 : καὶ πράττειν καὶ λογίζεσθαι καὶ δικάζειν συνέχεται·
117634 792.D.11 : καὶ δεινόν, εἰ τούτων ἀποδρᾶσα περιόψεται τηλικαύτας
117635 792.D.12 : ἀρετὰς καὶ τοσαύτας ἐκρυείσας τῆς ψυχῆς·
117636 792.E.1 : καὶ γὰρ τὸ φιλάνθρωπον εἰκός ἐστιν ἀπομαραίνεσθαι
117637 792.E.2 : καὶ τὸ κοινωνικὸν καὶ τὸ εὐχάριστον, ὧν
117638 792.E.3 : οὐδεμίαν εἶναι δεῖ τελευτὴν οὐδὲ πέρας.
117639 792.E.4 : Εἰ γοῦν πατέρα τὸν Τιθωνὸν εἶχες, ἀθάνατον
117640 792.E.5 : μὲν ὄντα χρείαν δ´ ἔχοντα διὰ γῆρας ἀεὶ πολλῆς
117641 792.E.6 : ἐπιμελείας, οὐκ ἂν οἶμαί σε φυγεῖν οὐδ´ ἀπείπασθαι
117642 792.E.7 : τὸ θεραπεύειν καὶ προσαγορεύειν καὶ βοηθεῖν ὡς
117643 792.E.8 : λελειτουργηκότα πολὺν χρόνον· ἡ δὲ πατρὶς καὶ
117644 792.E.9 : μητρὶς ὡς Κρῆτες καλοῦσι, πρεσβύτερα καὶ μείζονα
117645 792.F.1 : δίκαια γονέων ἔχουσα, πολυχρόνιος μέν ἐστιν οὐ
117646 792.F.2 : μὴν ἀγήρως οὐδ´ αὐτάρκης, ἀλλ´ ἀεὶ πολυωρίας
117647 792.F.3 : δεομένη καὶ βοηθείας καὶ φροντίδος ἐπισπᾶται καὶ
117648 792.F.4 : κατέχει τὸν πολιτικὸν
117649 792.F.4 :
117650 792.F.5 : εἱανοῦ ἁπτομένη καί τ´ ἐσσύμενον κατερύκει.
117651 792.F.5 :
117652 792.F.6 : Καὶ μὴν οἶσθά με τῷ Πυθίῳ λειτουργοῦντα πολλὰς
117653 792.F.7 : Πυθιάδας· ἀλλ´ οὐκ ἂν εἴποις "ἱκανά σοι, ὦ Πλούταρχε,
117654 792.F.8 : τέθυται καὶ πεπόμπευται καὶ κεχόρευται,
117655 792.F.9 : νῦν δ´ ὥρα πρεσβύτερον ὄντα τὸν στέφανον ἀποθέσθαι
117656 792.F.10 : καὶ τὸ χρηστήριον ἀπολιπεῖν διὰ τὸ γῆρας."
117657 792.F.11 : οὐκοῦν μηδὲ σεαυτὸν οἴου δεῖν, τῶν πολιτικῶν
117658 792.F.12 : ἱερῶν ἔξαρχον ὄντα καὶ προφήτην, ἀφεῖναι τὰς τοῦ
117659 792.F.13 : Πολιέως καὶ Ἀγοραίου τιμὰς Διός, ἔκπαλαι
117660 792.F.14 : κατωργιασμένον αὐταῖς.
117661 793.A.1 : Ἀλλ´ ἀφέντες, εἰ βούλει, τὸν ἀποσπῶντα
117662 793.A.2 : τῆς πολιτείας λόγον ἐκεῖνο σκοπῶμεν ἤδη καὶ φιλοσοφῶμεν,
117663 793.A.3 : ὅπως μηδὲν ἀπρεπὲς μηδὲ βαρὺ τῷ γήρᾳ
117664 793.A.4 : προσάξωμεν ἀγώνισμα, πολλὰ μέρη τῆς πολιτείας
117665 793.A.5 : ἐχούσης ἁρμόδια καὶ πρόσφορα τοῖς τηλικούτοις.
117666 793.A.6 : ὥσπερ γάρ, εἰ καθῆκον ἦν ᾄδοντας διατελεῖν, ἔδει,
117667 793.A.7 : πολλῶν τόνων καὶ τρόπων ὑποκειμένων φωνῆς, οὓς
117668 793.A.8 : ἁρμονίας οἱ μουσικοὶ καλοῦσι, μὴ τὸν ὀξὺν ἅμα
117669 793.A.9 : καὶ σύντονον διώκειν γέροντας γενομένους, ἀλλ´ ἐν
117670 793.A.10 : ᾧ τὸ ῥᾴδιον ἔπεστι μετὰ τοῦ πρέποντος ἤθους·
117671 793.B.1 : οὕτως, ἐπεὶ τὸ πράττειν καὶ λέγειν μᾶλλον ἀνθρώποις
117672 793.B.2 : ἢ κύκνοις τὸ ᾄδειν ἄχρι τελευτῆς κατὰ φύσιν
117673 793.B.3 : ἔστιν, οὐκ ἀφετέον τὴν πρᾶξιν ὥσπερ τινὰ λύραν
117674 793.B.4 : σύντονον, ἀλλ´ ἀνετέον ἐπὶ τὰ κοῦφα καὶ μέτρια
117675 793.B.5 : καὶ προσῳδὰ πρεσβύταις πολιτεύματα μεθαρμοττομένους.
117676 793.B.6 : οὐδὲ γὰρ τὰ σώματα παντελῶς ἀκίνητα
117677 793.B.7 : καὶ ἀγύμναστα περιορῶμεν, ὅτε μὴ δυνάμεθα
117678 793.B.8 : σκαφείοις μηδ´ ἁλτῆρσι χρῆσθαι μηδὲ δισκεύειν
117679 793.B.9 : μηδ´ ὁπλομαχεῖν ὡς καὶ πρότερον, ἀλλ´ αἰώραις καὶ
117680 793.B.10 : περιπάτοις, ἔνιοι δὲ καὶ σφαίρᾳ προσπαλαίοντες
117681 793.B.11 : ἐλαφρῶς καὶ διαλεγόμενοι κινοῦσι τὸ πνεῦμα καὶ
117682 793.C.1 : τὸ θερμὸν ἀναρριπίζουσι· μήτε δὴ τελέως ἐκπαγέντας
117683 793.C.2 : ἑαυτοὺς καὶ καταψυχθέντας ἀπραξίᾳ περιίδωμεν
117684 793.C.3 : μήτ´ αὖ πάλιν πᾶσαν ἀρχὴν ἐπαιρόμενοι καὶ
117685 793.C.4 : παντὸς ἐπιδραττόμενοι πολιτεύματος ἀναγκάζωμεν
117686 793.C.5 : τὸ γῆρας ἐξελεγχόμενον ἐπὶ τοιαύτας φωνὰς
117687 793.C.6 : καταφέρεσθαι
117688 793.C.6 :
117689 793.C.7 : ὦ δεξιὰ χείρ, ὡς ποθεῖς λαβεῖν δόρυ·
117690 793.C.8 : ἐν δ´ ἀσθενείᾳ τὸν πόθον διώλεσας.
117691 793.C.8 :
117692 793.C.9 : οὐδὲ γὰρ ἀκμάζων καὶ δυνάμενος ἀνὴρ ἐπαινεῖται,
117693 793.C.10 : πάντα συλλήβδην ἀνατιθεὶς ἑαυτῷ τὰ κοινὰ πράγματα
117694 793.D.1 : καὶ μηδὲν ἑτέρῳ παριέναι βουλόμενος, ὥσπερ
117695 793.D.2 : οἱ Στωικοὶ τὸν Δία λέγουσιν, εἰς πάντα παρενείρων
117696 793.D.3 : καὶ πᾶσι καταμιγνὺς ἑαυτὸν ἀπληστίᾳ δόξης ἢ
117697 793.D.4 : φθόνῳ τῶν μεταλαμβανόντων ἁμωσγέπως τιμῆς
117698 793.D.5 : τινος ἐν τῇ πόλει καὶ δυνάμεως· πρεσβύτῃ δὲ
117699 793.D.6 : κομιδῇ, κἂν τὸ ἄδοξον ἀφέλῃς, ἐπίπονος καὶ ταλαίπωρος
117700 793.D.7 : ἡ πρὸς πᾶν μὲν ἀεὶ κληρωτήριον ἀπαντῶσα
117701 793.D.8 : φιλαρχία, παντὶ δ´ ἐφεδρεύουσα δικαστηρίου
117702 793.D.9 : καιρῷ καὶ συνεδρίου πολυπραγμοσύνη, πᾶσαν δὲ
117703 793.E.1 : πρεσβείαν καὶ προδικίαν ὑφαρπάζουσα φιλοτιμία.
117704 793.E.2 : καὶ γὰρ ταῦτα πράττειν καὶ μετ´ εὐνοίας βαρὺ παρ´
117705 793.E.3 : ἡλικίαν, συμβαίνει δέ γε τἀναντία· μισοῦνται μὲν
117706 793.E.4 : γὰρ ὑπὸ τῶν νέων, ὡς οὐ προϊέμενοι πράξεων
117707 793.E.5 : αὐτοῖς ἀφορμὰς μηδ´ εἰς μέσον ἐῶντες προελθεῖν,
117708 793.E.6 : ἀδοξεῖ δὲ παρὰ τοῖς ἄλλοις τὸ φιλόπρωτον αὐτῶν
117709 793.E.7 : καὶ φίλαρχον οὐχ ἧττον ἢ τὸ φιλόπλουτον ἑτέρων
117710 793.E.8 : γερόντων καὶ φιλήδονον.
117711 793.E.9 : Ὥσπερ οὖν τὸν Βουκέφαλον ὁ Ἀλέξανδρος
117712 793.E.10 : πρεσβύτερον ὄντα μὴ βουλόμενος πιέζειν ἑτέροις
117713 793.E.11 : ἐπωχεῖτο πρὸ τῆς μάχης ἵπποις, ἐφοδεύων τὴν
117714 793.E.12 : φάλαγγα καὶ καθιστὰς εἰς τὴν τάξιν, εἶτα δοὺς τὸ
117715 793.F.1 : σύνθημα καὶ μεταβὰς ἐπ´ ἐκεῖνον εὐθὺς ἐπῆγε τοῖς
117716 793.F.2 : πολεμίοις καὶ διεκινδύνευεν· οὕτως ὁ πολιτικός, ἂν
117717 793.F.3 : ἔχῃ νοῦν, αὐτὸς αὑτὸν ἡνιοχῶν πρεσβύτην γενόμενον
117718 793.F.4 : ἀφέξεται τῶν οὐκ ἀναγκαίων καὶ παρήσει
117719 793.F.5 : τοῖς ἀκμάζουσι χρῆσθαι πρὸς τὰ μικρότερα τὴν
117720 793.F.6 : πόλιν, ἐν δὲ τοῖς μεγάλοις αὐτὸς ἀγωνιεῖται προθύμως.
117721 793.F.7 : οἱ μὲν γὰρ ἀθληταὶ τὰ σώματα τῶν ἀναγκαίων
117722 793.F.8 : πόνων ἄθικτα τηροῦσι καὶ ἀκέραια πρὸς τοὺς
117723 793.F.9 : ἀχρήστους· ἡμεῖς δὲ τοὐναντίον, ἐῶντες τὰ μικρὰ
117724 793.F.10 : καὶ φαῦλα, τοῖς ἀξίοις σπουδῆς φυλάξομεν ἑαυτούς.
117725 793.F.11 : "νέῳ" μὲν γὰρ ἴσως "ἐπέοικε" καθ´ Ὅμηρον
117726 793.F.12 : "πάντα," καὶ δέχονται καὶ ἀγαπῶσι τὸν μὲν
117727 793.F.13 : μικρὰ καὶ πολλὰ πράττοντα δημοτικὸν καὶ φιλόπονον
117728 794.A.1 : τὸν δὲ λαμπρὰ καὶ σεμνὰ γενναῖον καὶ
117729 794.A.2 : μεγαλόφρονα καλοῦντες· ἔστι δ´ ὅπου καὶ τὸ φιλόνεικον
117730 794.A.3 : καὶ παράβολον ὥραν ἔχει τινὰ καὶ χάριν
117731 794.A.4 : ἐπιπρέπουσαν τοῖς τηλικούτοις. ὁ πρεσβύτης δ´
117732 794.A.5 : ἀνὴρ ἐν πολιτείᾳ διακονικὰς λειτουργίας ὑπομένων,
117733 794.A.6 : οἷα τελῶν πράσεις καὶ λιμένων ἐπιμελείας καὶ
117734 794.A.7 : ἀγορᾶς, ἔτι δὲ πρεσβείας καὶ ἀποδημίας πρὸς
117735 794.A.8 : ἡγεμόνας καὶ δυνάστας ὑποτρέχων, ἐν αἷς ἀναγκαῖον
117736 794.A.9 : οὐδὲν οὐδὲ σεμνὸν ἔνεστιν ἀλλὰ θεραπεία καὶ τὸ
117737 794.A.10 : πρὸς χάριν, ἐμοὶ μὲν οἰκτρόν, ὦ φίλε, φαίνεται καὶ
117738 794.A.11 : ἄζηλον, ἑτέροις δ´ ἴσως καὶ ἐπαχθὲς φαίνεται καὶ
117739 794.A.12 : φορτικόν.
117740 794.A.13 : Οὐδὲ γὰρ ἐν ἀρχαῖς τὸν τηλικοῦτον ὥρα
117741 794.B.1 : φέρεσθαι, πλὴν ὅσαι γε μέγεθός τι κέκτηνται καὶ
117742 794.B.2 : ἀξίωμα· καθάπερ ἣν σὺ νῦν Ἀθήνησι μεταχειρίζῃ
117743 794.B.3 : τῆς ἐξ Ἀρείου πάγου βουλῆς ἐπιστασίαν καὶ νὴ Δία
117744 794.B.4 : τὸ πρόσχημα τῆς Ἀμφικτυονίας, ἥν σοι διὰ τοῦ
117745 794.B.5 : βίου παντὸς ἡ πατρὶς ἀνατέθεικε "πόνον ἡδὺν κάματόν
117746 794.B.6 : τ´ εὐκάματον" ἔχουσαν. δεῖ δὲ καὶ ταύτας
117747 794.B.7 : μὴ διώκειν τὰς τιμὰς ἀλλὰ φεύγοντας ἄρχειν, μηδ´
117748 794.B.8 : αἰτουμένους ἀλλὰ παραιτουμένους, μηδ´ ὡς αὑτοῖς
117749 794.B.9 : τὸ ἄρχειν λαμβάνοντας ἀλλ´ ὡς αὑτοὺς τῷ ἄρχειν
117750 794.B.10 : ἐπιδιδόντας. οὐ γάρ, ὡς Τιβέριος ὁ Καῖσαρ ἔλεγε,
117751 794.C.1 : τὸ τὴν χεῖρα τῷ ἰατρῷ προτείνειν ὑπὲρ ἑξήκοντ´
117752 794.C.2 : ἔτη γεγονότας αἰσχρόν ἐστιν, ἀλλὰ μᾶλλον τὸ τὴν
117753 794.C.3 : χεῖρα τῷ δήμῳ προτείνειν ψῆφον αἰτοῦντας ἢ
117754 794.C.4 : φωνὴν ἀρχαιρεσιάζουσαν· ἀγεννὲς γὰρ τοῦτο καὶ
117755 794.C.5 : ταπεινόν· ὡς τοὐναντίον ἔχει τινὰ σεμνότητα καὶ
117756 794.C.6 : κόσμον, αἱρουμένης τῆς πατρίδος καὶ καλούσης
117757 794.C.7 : καὶ περιμενούσης, κατιόντα μετὰ τιμῆς καὶ φιλοφροσύνης
117758 794.C.8 : γεραρὸν ὡς ἀληθῶς καὶ περίβλεπτον
117759 794.C.9 : ἀσπάσασθαι καὶ δεξιώσασθαι τὸ γέρας.
117760 794.C.10 : Οὕτω δέ πως καὶ λόγῳ χρηστέον ἐν ἐκκλησίᾳ
117761 794.C.11 : πρεσβύτην γενόμενον, μὴ ἐπιπηδῶντα
117762 794.C.12 : συνεχῶς τῷ βήματι μηδ´ ἀεὶ δίκην ἀλεκτρυόνος
117763 794.C.13 : ἀντᾴδοντα τοῖς φθεγγομένοις, μηδὲ τῷ συμπλέκεσθαι
117764 794.C.14 : καὶ διερεθίζειν ἀποχαλινοῦντα τὴν πρὸς αὐτὸν
117765 794.D.1 : αἰδῶ τῶν νέων μηδὲ μελέτην ἐμποιοῦντα καὶ
117766 794.D.2 : συνήθειαν ἀπειθείας καὶ δυσηκοΐας, ἀλλὰ καὶ παριέντα
117767 794.D.3 : ποτὲ καὶ διδόντα πρὸς δόξαν ἀναχαιτίσαι
117768 794.D.4 : καὶ θρασύνασθαι, μηδὲ παρόντα μηδὲ πολυπραγμονοῦντα,
117769 794.D.5 : ὅπου μὴ μέγα τὸ κινδυνευόμενόν ἐστι
117770 794.D.6 : πρὸς σωτηρίαν κοινὴν ἢ τὸ καλὸν καὶ πρέπον. ἐκεῖ
117771 794.D.7 : δὲ χρὴ καὶ μηδενὸς καλοῦντος ὠθεῖσθαι δρόμῳ παρὰ
117772 794.D.8 : δύναμιν, ἀναθέντα χειραγωγοῖς αὑτὸν ἢ φοράδην
117773 794.D.9 : κομιζόμενον, ὥσπερ ἱστοροῦσιν ἐν Ῥώμῃ Κλαύδιον
117774 794.D.10 : Ἄππιον· ἡττημένων γὰρ ὑπὸ Πύρρου μάχῃ μεγάλῃ,
117775 794.E.1 : πυθόμενος τὴν σύγκλητον ἐνδέχεσθαι λόγους περὶ
117776 794.E.2 : σπονδῶν καὶ εἰρήνης οὐκ ἀνασχετὸν ἐποιήσατο,
117777 794.E.3 : καίπερ ἀμφοτέρας ἀποβεβληκὼς τὰς ὄψεις, ἀλλ´
117778 794.E.4 : ἧκε δι´ ἀγορᾶς φερόμενος πρὸς τὸ βουλευτήριον·
117779 794.E.5 : εἰσελθὼν δὲ καὶ καταστὰς εἰς μέσον ἔφη πρότερον
117780 794.E.6 : μὲν ἄχθεσθαι τῷ τῶν ὀμμάτων στέρεσθαι, νῦν δ´ ἂν
117781 794.E.7 : εὔξασθαι μηδ´ ἀκούειν οὕτως αἰσχρὰ καὶ ἀγεννῆ
117782 794.E.8 : βουλευομένους καὶ πράττοντας ἐκείνους. ἐκ δὲ
117783 794.E.9 : τούτου τὰ μὲν καθαψάμενος αὐτῶν τὰ δὲ διδάξας
117784 794.F.1 : καὶ παρορμήσας, ἔπεισεν εὐθὺς ἐπὶ τὰ ὅπλα χωρεῖν
117785 794.F.2 : καὶ διαγωνίζεσθαι περὶ τῆς Ἰταλίας πρὸς τὸν
117786 794.F.3 : Πύρρον. ὁ δὲ Σόλων, τῆς Πεισιστράτου δημαγωγίας,
117787 794.F.4 : ὅτι τυραννίδος ἦν μηχάνημα, φανερᾶς
117788 794.F.5 : γενομένης, μηδενὸς ἀμύνεσθαι μηδὲ κωλύειν τολμῶντος,
117789 794.F.6 : αὐτὸς ἐξενεγκάμενος τὰ ὅπλα καὶ πρὸ τῆς
117790 794.F.7 : οἰκίας θέμενος ἠξίου βοηθεῖν τοὺς πολίτας· πέμψαντος
117791 794.F.8 : δὲ τοῦ Πεισιστράτου πρὸς αὐτὸν καὶ πυνθανομένου
117792 794.F.9 : τίνι πεποιθὼς ταῦτα πράττει, "τῷ γήρᾳ,"
117793 794.F.10 : εἶπεν.
117794 794.F.11 : Ἀλλὰ τὰ μὲν οὕτως ἀναγκαῖα καὶ τοὺς ἀπεσβηκότας
117795 794.F.12 : κομιδῇ γέροντας, ἂν μόνον ἐμπνέωσιν,
117796 794.F.13 : ἐξάπτει καὶ διανίστησιν· ἐν δὲ τοῖς ἄλλοις ποτὲ
117797 794.F.14 : μέν, ὥσπερ εἴρηται, παραιτούμενος ἐμμελὴς ἔσται
117798 795.A.1 : τὰ γλίσχρα καὶ διακονικὰ καὶ μείζονας ἔχοντα τοῖς
117799 795.A.2 : πράττουσιν ἀσχολίας ἢ δι´ οὓς πράττεται χρείας
117800 795.A.3 : καὶ ὠφελείας· ἔστι δ´ ὅπου περιμένων καλέσαι καὶ
117801 795.A.4 : ποθῆσαι καὶ μετελθεῖν οἴκοθεν τοὺς πολίτας ἀξιοπιστότερος
117802 795.A.5 : δεομένοις κάτεισι. τὰ δὲ πλεῖστα καὶ
117803 795.A.6 : παρὼν σιωπῇ τοῖς νεωτέροις λέγειν παρίησιν, οἷον
117804 795.A.7 : βραβεύων φιλοτιμίας πολιτικῆς ἅμιλλαν· ἐὰν δ´
117805 795.A.8 : ὑπερβάλλῃ τὸ μέτριον, καθαπτόμενος ἠπίως καὶ
117806 795.A.9 : μετ´ εὐμενείας ἀφαιρῶν φιλονεικίας καὶ βλασφημίας
117807 795.A.10 : καὶ ὀργάς, ἐν δὲ ταῖς γνώμαις τὸν ἁμαρτάνοντα
117808 795.A.11 : παραμυθούμενος ἄνευ ψόγου καὶ διδάσκων, ἐπαινῶν
117809 795.A.12 : δ´ ἀφόβως τὸν κατορθοῦντα καὶ νικώμενος ἑκουσίως
117810 795.B.1 : καὶ προϊέμενος τὸ πεῖσαι καὶ περιγενέσθαι
117811 795.B.2 : πολλάκις ὅπως αὐξάνωνται καὶ θαρσῶσιν, ἐνίοις δὲ
117812 795.B.3 : καὶ συναναπληρῶν μετ´ εὐφημίας τὸ ἐλλεῖπον, ὡς
117813 795.B.4 : ὁ Νέστωρ
117814 795.B.4 :
117815 795.B.5 : οὔτις τοι τὸν μῦθον ὀνόσσεται ὅσσοι Ἀχαιοί,
117816 795.B.6 : οὐδὲ πάλιν ἐρέει· ἀτὰρ οὐ τέλος ἵκεο μύθων.
117817 795.B.7 : ἦ μὴν καὶ νέος ἐσσί, ἐμὸς δέ κε καὶ πάις εἴης.
117818 795.B.7 :
117819 795.B.8 : Τούτου δὲ πολιτικώτερον, μὴ μόνον ἐμφανῶς
117820 795.B.9 : μηδὲ δημοσίᾳ ὀνειδίζων ἄνευ δηγμοῦ
117821 795.B.10 : σφόδρα κολούοντος καὶ ταπεινοῦντος, ἀλλὰ μᾶλλον
117822 795.B.11 : ἰδίᾳ τοῖς εὖ πεφυκόσι πρὸς πολιτείαν ὑποτιθέμενος
117823 795.C.1 : καὶ συνεισηγούμενος εὐμενῶς λόγους τε χρηστοὺς
117824 795.C.2 : καὶ πολιτεύματα, συνεξορμῶν πρὸς τὰ καλὰ καὶ
117825 795.C.3 : συνεπιλαμπρύνων τὸ φρόνημα καὶ παρέχων, ὥσπερ
117826 795.C.4 : οἱ διδάσκοντες ἱππεύειν, ἐν ἀρχῇ χειροήθη
117827 795.C.5 : καὶ πρᾶον ἐπιβῆναι τὸν δῆμον· εἰ δέ τι σφαλείη,
117828 795.C.6 : μὴ περιορῶν ἐξαθυμοῦντα τὸν νέον, ἀλλ´ ἀνιστὰς
117829 795.C.7 : καὶ παραμυθούμενος, ὡς Ἀριστείδης Κίμωνα καὶ
117830 795.C.8 : Μνησίφιλος Θεμιστοκλέα, δυσχεραινομένους καὶ
117831 795.C.9 : κακῶς ἀκούοντας ἐν τῇ πόλει τὸ πρῶτον ὡς
117832 795.C.10 : ἰταμοὺς καὶ ἀκολάστους, ἐπῆραν καὶ ἀνεθάρρυναν.
117833 795.C.11 : λέγεται δὲ καὶ Δημοσθένους ἐκπεσόντος ἐν τῷ
117834 795.D.1 : δήμῳ καὶ βαρέως φέροντος ἅψασθαι παλαιόν τινα
117835 795.D.2 : γέροντα τῶν ἀκηκοότων Περικλέους καὶ εἰπεῖν,
117836 795.D.3 : ὡς ἐκείνῳ τἀνδρὶ προσεοικὼς τὴν φύσιν οὐ δικαίως
117837 795.D.4 : αὑτοῦ κατέγνωκεν. οὕτω δὲ καὶ Τιμόθεον Εὐριπίδης
117838 795.D.5 : συριττόμενον ἐπὶ τῇ καινοτομίᾳ καὶ παρανομεῖν
117839 795.D.6 : εἰς τὴν μουσικὴν δοκοῦντα θαρρεῖν ἐκέλευσεν,
117840 795.D.7 : ὡς ὀλίγου χρόνου τῶν θεάτρων ὑπ´ αὐτῷ γενησομένων.
117841 795.D.8 :
117842 795.D.9 : Καθόλου δ´ ὥσπερ ἐν Ῥώμῃ ταῖς Ἑστιάσι
117843 795.D.10 : παρθένοις τοῦ χρόνου διώρισται τὸ μὲν μανθάνειν
117844 795.D.11 : τὸ δὲ δρᾶν τὰ νενομισμένα τὸ δὲ τρίτον ἤδη διδάσκειν,
117845 795.D.12 : καὶ τῶν ἐν Ἐφέσῳ περὶ τὴν Ἄρτεμιν
117846 795.E.1 : ὁμοίως ἑκάστην Μελλιέρην τὸ πρῶτον εἶθ´ Ἱέρην
117847 795.E.2 : τὸ δὲ τρίτον Παριέρην καλοῦσιν· οὕτως ὁ τελέως
117848 795.E.3 : πολιτικὸς ἀνὴρ τὰ μὲν πρῶτα μανθάνων ἔτι πολιτεύεται
117849 795.E.4 : καὶ μυούμενος τὰ δ´ ἔσχατα διδάσκων
117850 795.E.5 : καὶ μυσταγωγῶν· τὸν μὲν γὰρ ἐπιστάτην ἀθλοῦσιν
117851 795.E.6 : ἑτέροις οὐκ ἔστιν αὐτὸν ἀθλεῖν, ὁ δὲ παιδοτριβῶν
117852 795.E.7 : νέον ἐν πράγμασι κοινοῖς καὶ δημοσίοις ἀγῶσι καὶ
117853 795.E.8 : παρασκευάζων τῇ πατρίδι
117854 795.E.8 :
117855 795.E.9 : μύθων τε ῥητῆρ´ ἔμεναι πρηκτῆρά τε ἔργων
117856 795.E.10 : ἐν οὐ μικρῷ μέρει πολιτείας οὐδὲ φαύλῳ χρήσιμός
117857 795.E.11 : ἐστιν, ἀλλ´ εἰς ὃ μάλιστα καὶ πρῶτον ὁ Λυκοῦργος
117858 795.F.1 : ἐντείνας ἑαυτὸν εἴθισε τοὺς νέους παντὶ πρεσβύτῃ
117859 795.F.2 : καθάπερ νομοθέτῃ πειθομένους διατελεῖν. ἐπεὶ
117860 795.F.3 : πρὸς τί βλέψας ὁ Λύσανδρος εἶπεν, ὡς ἐν Λακεδαίμονι
117861 795.F.4 : κάλλιστα γηρῶσιν; ἆρ´ ὅτι γ´ ἀργεῖν
117862 795.F.5 : ἔξεστι μάλιστα τοῖς πρεσβυτέροις ἐκεῖ καὶ δανείζειν
117863 795.F.6 : ἢ κυβεύειν συγκαθεζομένους ἢ πίνειν ἐν ὥρᾳ
117864 795.F.7 : συνάγοντας; οὐκ ἂν εἴποις· ἀλλ´ ὅτι τρόπον τινὰ
117865 795.F.8 : πάντες οἱ τηλικοῦτοι τάξιν ἀρχόντων ἤ τινων
117866 795.F.9 : πατρονόμων ἢ παιδαγωγῶν ἔχοντες οὐ τὰ κοινὰ
117867 796.A.1 : μόνον ἐπισκοποῦσιν, ἀλλὰ καὶ τῶν νέων ἕκαστ´
117868 796.A.2 : ἀεὶ περί τε τὰ γυμνάσια καὶ παιδιὰς καὶ διαίτας
117869 796.A.3 : καταμανθάνουσιν οὐ παρέργως, φοβεροὶ μὲν ὄντες
117870 796.A.4 : τοῖς ἁμαρτάνουσιν αἰδεστοὶ δὲ τοῖς ἀγαθοῖς καὶ
117871 796.A.5 : ποθεινοί· θεραπεύουσι γὰρ ἀεὶ καὶ διώκουσιν
117872 796.A.6 : αὐτοὺς οἱ νέοι, τὸ κόσμιον καὶ τὸ γενναῖον αὔξοντας
117873 796.A.7 : καὶ συνεπιγαυροῦντας ἄνευ φθόνου.
117874 796.A.8 : Τοῦτο γὰρ τὸ πάθος οὐδενὶ χρόνῳ πρέπον
117875 796.A.9 : ἡλικίας, ὅμως ἐν νέοις εὐπορεῖ χρηστῶν ὀνομάτων,
117876 796.A.10 : ἅμιλλα καὶ ζῆλος καὶ φιλοτιμία προσαγορευόμενον,
117877 796.A.11 : ἐν δὲ πρεσβύταις παντελῶς ἄωρόν ἐστι καὶ ἄγριον
117878 796.A.12 : καὶ ἀγεννές. διὸ δεῖ πορρωτάτω τοῦ φθονεῖν ὄντα
117879 796.A.13 : τὸν πολιτικὸν γέροντα μὴ καθάπερ τὰ βάσκανα
117880 796.B.1 : γεράνδρυα τῶν παραβλαστανόντων καὶ ὑποφυομένων
117881 796.B.2 : σαφῶς ἀφαιρεῖσθαι καὶ κολούειν τὴν βλάστην
117882 796.B.3 : καὶ τὴν αὔξησιν, ἀλλ´ εὐμενῶς προσδέχεσθαι καὶ
117883 796.B.4 : παρέχειν τοῖς ἀντιλαμβανομένοις καὶ προσπλεκομένοις
117884 796.B.5 : ἑαυτὸν ὀρθοῦντα καὶ χειραγωγοῦντα καὶ
117885 796.B.6 : τρέφοντα μὴ μόνον ὑφηγήσεσι καὶ συμβουλίαις
117886 796.B.7 : ἀγαθαῖς, ἀλλὰ καὶ παραχωρήσεσι πολιτευμάτων
117887 796.B.8 : τιμὴν ἐχόντων καὶ δόξαν ἤ τινας ὑπουργίας ἀβλαβεῖς
117888 796.B.9 : μὲν ἡδείας δὲ τοῖς πολλοῖς καὶ πρὸς χάριν ἐσομένας·
117889 796.B.10 : ὅσα δ´ ἐστὶν ἀντίτυπα καὶ προσάντη καὶ καθάπερ
117890 796.B.11 : τὰ φάρμακα δάκνει παραχρῆμα καὶ λυπεῖ τὸ δὲ
117891 796.C.1 : καλὸν καὶ λυσιτελὲς ὕστερον ἀποδίδωσι, μὴ τοὺς
117892 796.C.2 : νέους ἐπὶ ταῦτα προσάγοντα μηδ´ ὑποβάλλοντα
117893 796.C.3 : θορύβοις, ὄχλων ἀγνωμονούντων ἀήθεις ὄντας, ἀλλ´
117894 796.C.4 : αὐτὸν ἐκδεχόμενον τὰς ὑπὲρ τῶν συμφερόντων
117895 796.C.5 : ἀπεχθείας· τούτῳ γὰρ εὐνουστέρους τε ποιήσει
117896 796.C.6 : τοὺς νέους καὶ προθυμοτέρους ἐν ταῖς ἄλλαις
117897 796.C.7 : ὑπηρεσίαις.
117898 796.C.8 : Παρὰ πάντα δὲ ταῦτα χρὴ μνημονεύειν, ὡς
117899 796.C.9 : οὐκ ἔστι πολιτεύεσθαι μόνον τὸ ἄρχειν καὶ πρεσβεύειν
117900 796.C.10 : καὶ μέγα βοᾶν ἐν ἐκκλησίᾳ καὶ περὶ τὸ
117901 796.C.11 : βῆμα βακχεύειν λέγοντας ἢ γράφοντας, ἃ οἱ πολλοὶ
117902 796.C.12 : τοῦ πολιτεύεσθαι νομίζουσιν, ὥσπερ ἀμέλει καὶ
117903 796.D.1 : φιλοσοφεῖν τοὺς ἀπὸ τοῦ δίφρου διαλεγομένους
117904 796.D.2 : καὶ σχολὰς ἐπὶ βιβλίοις περαίνοντας· ἡ δὲ συνεχὴς
117905 796.D.3 : ἐν ἔργοις καὶ πράξεσιν ὁρωμένη καθ´ ἡμέραν
117906 796.D.4 : ὁμαλῶς πολιτεία καὶ φιλοσοφία λέληθεν αὐτούς.
117907 796.D.5 : καὶ γὰρ τοὺς ἐν ταῖς στοαῖς ἀνακάμπτοντας περιπατεῖν
117908 796.D.6 : φασιν, ὡς ἔλεγε Δικαίαρχος, οὐκέτι δὲ τοὺς
117909 796.D.7 : εἰς ἀγρὸν ἢ πρὸς φίλον βαδίζοντας. ὅμοιον δ´
117910 796.D.8 : ἐστὶ τῷ φιλοσοφεῖν τὸ πολιτεύεσθαι. Σωκράτης
117911 796.D.9 : γοῦν οὔτε βάθρα θεὶς οὔτ´ εἰς θρόνον καθίσας
117912 796.D.10 : οὔθ´ ὥραν διατριβῆς ἢ περιπάτου τοῖς γνωρίμοις
117913 796.D.11 : τεταγμένην φυλάττων, ἀλλὰ καὶ συμπαίζων, ὅτε
117914 796.D.12 : τύχοι, καὶ συμπίνων καὶ συστρατευόμενος ἐνίοις
117915 796.D.13 : καὶ συναγοράζων, τέλος δὲ καὶ δεδεμένος καὶ
117916 796.E.1 : πίνων τὸ φάρμακον, ἐφιλοσόφει· πρῶτος ἀποδείξας
117917 796.E.2 : τὸν βίον ἅπαντι χρόνῳ καὶ μέρει καὶ πάθεσι καὶ
117918 796.E.3 : πράγμασιν ἁπλῶς ἅπασι φιλοσοφίαν δεχόμενον.
117919 796.E.4 : οὕτω δὴ διανοητέον καὶ περὶ πολιτείας, ὡς τοὺς
117920 796.E.5 : μὲν ἀνοήτους, οὐδ´ ὅταν στρατηγῶσιν ἢ γραμματεύωσιν
117921 796.E.6 : ἢ δημηγορῶσι, πολιτευομένους ἀλλ´
117922 796.E.7 : ὀχλοκοποῦντας ἢ πανηγυρίζοντας ἢ στασιάζοντας
117923 796.E.8 : ἢ λειτουργοῦντας ἀναγκαίως· τὸν δὲ κοινωνικὸν
117924 796.E.9 : καὶ φιλάνθρωπον καὶ φιλόπολιν καὶ κηδεμονικὸν
117925 796.E.10 : καὶ πολιτικὸν ἀληθῶς, κἂν μηδέποτε τὴν χλαμύδα
117926 796.E.11 : περίθηται, πολιτευόμενον ἀεὶ τῷ παρορμᾶν τοὺς
117927 796.F.1 : δυναμένους, ὑφηγεῖσθαι τοῖς δεομένοις, συμπαρεῖναι
117928 796.F.2 : τοῖς βουλευομένοις, διατρέπειν τοὺς κακοπραγμονοῦντας,
117929 796.F.3 : ἐπιρρωννύναι τοὺς εὐγνώμονας, φανερὸν
117930 796.F.4 : εἶναι μὴ παρέργως προσέχοντα τοῖς κοινοῖς μηδ´
117931 796.F.5 : ὅπου σπουδή τις ἢ παράκλησις διὰ τὸ πρωτεῖον
117932 796.F.6 : εἰς τὸ θέατρον βαδίζοντα καὶ τὸ βουλευτήριον,
117933 796.F.7 : ἄλλως δὲ διαγωγῆς χάριν ὡς ἐπὶ θέαν ἢ ἀκρόασιν,
117934 797.A.1 : ὅταν ἐπέλθῃ, παραγιγνόμενον, ἀλλά, κἂν μὴ παραγένηται
117935 797.A.2 : τῷ σώματι, παρόντα τῇ γνώμῃ καὶ τῷ
117936 797.A.3 : πυνθάνεσθαι τὰ μὲν ἀποδεχόμενον τοῖς δὲ δυσκολαίνοντα
117937 797.A.4 : τῶν πραττομένων.
117938 797.A.5 : Οὐδὲ γὰρ Ἀθηναίων Ἀριστείδης οὐδὲ Ῥωμαίων
117939 797.A.6 : Κάτων ἦρξε πολλάκις, ἀλλὰ πάντα τὸν
117940 797.A.7 : αὑτῶν βίον ἐνεργὸν ἀεὶ ταῖς πατρίσι παρέσχον.
117941 797.A.8 : Ἐπαμεινώνδας δὲ πολλὰ μὲν καὶ μεγάλα κατώρθωσε
117942 797.A.9 : στρατηγῶν, οὐκ ἔλαττον δ´ αὐτοῦ μνημονεύεται
117943 797.A.10 : μηδὲ στρατηγοῦντος μηδ´ ἄρχοντος ἔργον
117944 797.A.11 : περὶ Θετταλίαν, ὅτε τῶν στρατηγῶν εἰς τόπους
117945 797.A.12 : χαλεποὺς ἐμβαλόντων τὴν φάλαγγα καὶ θορυβουμένων
117946 797.B.1 : (ἐπέκειντο γὰρ οἱ πολέμιοι βάλλοντες),
117947 797.B.2 : ἀνακληθεὶς ἐκ τῶν ὁπλιτῶν πρῶτον μὲν ἔπαυσε
117948 797.B.3 : θαρρύνας τὸν τοῦ στρατεύματος τάραχον καὶ φόβον,
117949 797.B.4 : ἔπειτα διατάξας καὶ διαρμοσάμενος τὴν φάλαγγα
117950 797.B.5 : συγκεχυμένην ἐξήγαγε ῥᾳδίως καὶ κατέστησεν
117951 797.B.6 : ἐναντίαν τοῖς πολεμίοις, ὥστ´ ἀπελθεῖν ἐκείνους
117952 797.B.7 : μεταβαλομένους. Ἄγιδος δὲ τοῦ βασιλέως ἐν
117953 797.B.8 : Ἀρκαδίᾳ τοῖς πολεμίοις ἐπάγοντος ἤδη τὸ στράτευμα
117954 797.B.9 : συντεταγμένον εἰς μάχην, τῶν πρεσβυτέρων
117955 797.B.10 : τις Σπαρτιατῶν ἐπεβόησεν, ὅτι διανοεῖται κακὸν
117956 797.B.11 : κακῷ ἰᾶσθαι, δηλῶν τῆς ἐξ Ἄργους ἐπαιτίου
117957 797.C.1 : ἀναχωρήσεως τὴν παροῦσαν ἄκαιρον προθυμίαν
117958 797.C.2 : ἀνάληψιν βουλομένην εἶναι, ὡς ὁ Θουκυδίδης φησίν·
117959 797.C.3 : ὁ δ´ Ἆγις ἀκούσας ἐπείσθη καὶ ἀνεχώρησε. Μενεκράτει
117960 797.C.4 : δὲ καὶ δίφρος ἔκειτο καθ´ ἡμέραν παρὰ ταῖς
117961 797.C.5 : θύραις τοῦ ἀρχείου, καὶ πολλάκις ἀνιστάμενοι πρὸς
117962 797.C.6 : αὐτὸν οἱ Ἔφοροι διεπυνθάνοντο καὶ συνεβουλεύοντο
117963 797.C.7 : περὶ τῶν μεγίστων. ἐδόκει γὰρ ἔμφρων ἀνὴρ εἶναι
117964 797.C.8 : καὶ συνετὸς ἱστορεῖσθαι· διὸ καὶ παντάπασιν ἤδη
117965 797.C.9 : τὴν τοῦ σώματος ἐξημαυρωμένος δύναμιν καὶ τὰ
117966 797.C.10 : πολλὰ κλινήρης διημερεύων, μεταπεμπομένων εἰς
117967 797.C.11 : ἀγορὰν τῶν Ἐφόρων, ὥρμησε μὲν ἐξαναστὰς
117968 797.C.12 : βαδίζειν, μόλις δὲ καὶ χαλεπῶς προερχόμενος, εἶτα
117969 797.D.1 : παιδαρίοις ἐντυχὼν καθ´ ὁδόν, ἠρώτησεν, εἴ τι
117970 797.D.2 : γινώσκουσιν ἀναγκαιότερον ὂν τοῦ πείθεσθαι δεσπότῃ·
117971 797.D.3 : τῶν δὲ φησάντων "τὸ μὴ δύνασθαι," τοῦτο
117972 797.D.4 : τῆς ὑπουργίας λογισάμενος πέρας ἀνέστρεψεν
117973 797.D.5 : οἴκαδε. δεῖ γὰρ μὴ προαπολείπειν τὴν προθυμίαν
117974 797.D.6 : τῆς δυνάμεως, ἐγκαταλειφθεῖσαν δὲ μὴ βιάζεσθαι.
117975 797.D.7 : καὶ μὴν Γαΐῳ Λαιλίῳ Σκιπίων ἐχρῆτο συμβούλῳ
117976 797.D.8 : στρατηγῶν ἀεὶ καὶ πολιτευόμενος, ὥστε καὶ λέγειν
117977 797.D.9 : ἐνίους ὑποκριτὴν τῶν πράξεων Σκιπίωνα ποιητὴν
117978 797.D.10 : δὲ τὸν Γάιον εἶναι. Κικέρων δ´ αὐτὸς ὁμολογεῖ τὰ
117979 797.D.11 : κάλλιστα καὶ μέγιστα τῶν συμβουλευμάτων, οἷς
117980 797.D.12 : ὤρθωσεν ὑπατεύων τὴν πατρίδα, μετὰ Ποπλίου
117981 797.D.13 : Νιγιδίου τοῦ φιλοσόφου συνθεῖναι.
117982 797.E.1 : Οὕτω διὰ πολλῶν τρόπων τῆς πολιτείας
117983 797.E.2 : οὐδὲν ἀποκωλύει τοὺς γέροντας ὠφελεῖν τὸ κοινὸν
117984 797.E.3 : ἀπὸ τῶν βελτίστων, λόγου καὶ γνώμης καὶ παρρησίας
117985 797.E.4 : καὶ φροντίδος πινυτῆς, ὡς δὴ ποιηταὶ λέγουσιν.
117986 797.E.5 : οὐ γὰρ αἱ χεῖρες ἡμῶν οὐδ´ οἱ πόδες, οὐδ´
117987 797.E.6 : ἡ τοῦ σώματος ῥώμη κτῆμα καὶ μέρος ἐστὶ τῆς
117988 797.E.7 : πόλεως μόνον, ἀλλὰ πρῶτον ἡ ψυχὴ καὶ τὰ τῆς
117989 797.E.8 : ψυχῆς κάλλη, δικαιοσύνη καὶ σωφροσύνη καὶ
117990 797.E.9 : φρόνησις· ὧν ὀψὲ καὶ βραδέως τὸ οἰκεῖον ἀπολαμβανόντων,
117991 797.E.10 : ἄτοπόν ἐστι τὴν μὲν οἰκίαν καὶ τὸν ἀγρὸν
117992 797.F.1 : ἀπολαύειν καὶ τὰ λοιπὰ χρήματα καὶ κτήματα,
117993 797.F.2 : κοινῇ δὲ τῇ πατρίδι καὶ τοῖς πολίταις μηκέτι
117994 797.F.3 : χρησίμους εἶναι διὰ τὸν χρόνον, οὐ τοσοῦτον τῶν
117995 797.F.4 : ὑπηρετικῶν παραιρούμενον δυνάμεων, ὅσον ταῖς
117996 797.F.5 : ἡγεμονικαῖς καὶ πολιτικαῖς προστίθησι. διὸ καὶ
117997 797.F.6 : τῶν Ἑρμῶν τοὺς πρεσβυτέρους ἄχειρας καὶ ἄποδας
117998 797.F.7 : ἐντεταμένους δὲ τοῖς μορίοις δημιουργοῦσιν, αἰνιττόμενοι
117999 797.F.8 : τῶν γερόντων ἐλάχιστα δεῖσθαι διὰ τοῦ
118000 797.F.9 : σώματος ἐνεργούντων, ἐὰν τὸν λόγον ἐνεργόν, ὡς
118001 797.F.10 : προσήκει, καὶ γόνιμον ἔχωσιν.