GUILLAUME ADAM
Le livre du Grant Caan.
Le livre du Grant Caan.
Extrait d'un manuscrit de la Bibliothèque du Roi, par M. Jacquet.
Journal Asiatique de 1830 (1er semestre)
On ne sait rien des origines de Guillaume Adam. Il fut missionnaire pontifical en Perse (1314-17), puis évêque de Smyrne (1318), archevêque de Sultanieh (Iran, 1322) et d’Antivari (Monténégro), de 1324 à 1341.
Un des six dominicains envoyés par le pape Jean XXII en Perse. Il y était probablement déjà allé avant, pendant le pontificat de Clément V, donc avant 1314.
Guillaume Adam faisait partie de ceux qui approuvaient une nouvelle croisade et dans ce contexte louaient l'initiative génoise dans la méditerranée orientale. Il écrivit à ce propos le De modo Sarracenis extirpandi. Outre l'occupation de Chios avec consentement de l'empereur byzantin, Gênes prenaient part aux combats contre les Turcs (1319). Le plus connu des Génois participants, Martino Zaccaria, fut récompensé pour ces services comme "police de mer" en mer Égée avec le titre roi et despote de l'Asie mineure qui lui fut donné par le prétendant latin au trône de Constantinople.
Cependant, « les Génois, assurés de la tolérance des empereurs de Constantinople, se livraient plus que tous autres à la fructueuse importation de jeunes esclaves, ramassés par de véritables razzias sur les plages de la mer Noire, pour le service des harems et le recrutement de la milice des Mamelouks, et l'on peut juger de l'étendue qu'elle avait prise au grand profit des Infidèles par ce seul fait. En quelques années, Segurano Salvago, armateur de Gênes, avait embarqué dans le Pont-Euxin et conduit à Alexandrie jusqu'à dix mille jeunes enfants des deux sexes, dont le transport lui avait été confié par les marchands d'esclaves.
Guillaume Adam s'indigna avec raison contre cette odieuse industrie. La traite des nègres est plus inhumaine et moins impolitique. Coupable, dit-il, aux yeux de Dieu et de l'humanité, un pareil commerce est criminel au premier chef vis-à-vis de tous les peuples chrétiens, car il assure à leur ennemi commun le plus efficace moyen d'entretenir et d'augmenter sans cesse ses armées et sa puissance.
[2] »***********************
L’ouvrage qui suit n’est peut-être pas de Guillaume Adam mais de son successeur à l’archevêché de Sultanieh nommé Jean de Core qui aurait pu l’écrire vers 1328.
C’est une synthèse des observations de nombreux voyageurs destinée à informer Jean XXII.
Cette relation, pleine de notices curieuses et de documents historiques qui conservent encore quelque chose de chinois sous les formes européennes de la translation, a été écrite après le voyage de Marco Polo. Il est très probable que c'est une compilation faite par l'ordre de Jean XXII, sur les relations, alors très nombreuses, des religieux de l'ordre des frères mineurs et des marchands vénitiens ou génois qui allaient au Cathay par deux routes bien tracées et invariablement suivies, la sainte cité de Hierusalem, ou la mer d'Arrabie et l'Ynde major. Ce qui ferait plus encore soupçonner que le livre du Grant Caan est un extrait de tout ce que l'on avait écrit sur cette matière, c'est qu'on n'y rencontre nulle part les fables mythologiques, chrétiennes, et souvent toutes dantesques qui se montrent à chaque instant dans les relations de Marco Polo, de Mandeville, d'Hayton , &c., et par dessus tout, qu'il n'y est pas même fait mention du prestre Jehan, la grande merveille qui occupait l'Europe depuis plus d'un demi-siècle ; qui, avec le célèbre oiseau roc et la pêche des diamants dans les montagnes, appelait, sollicitait toutes les recherches des voyageurs; qui créa, pour ainsi dire, pendant une vingtaine d'années, une mode de littérature, et qu'on finit par découvrir dans tous les pays du monde ; car il sembla convenu pendant quelque temps d'appeler prêtre Jean toute chose qu'on ne connaissait pas. Tout enfin, dans le livre du Grant Caan, semble porter le caractère sérieux d'un rapport officiel, et ce ne serait pas un des moindres mérites de ce compendium. Je l'ai extrait d'un manuscrit bien connu, sous le titre de Merveilles du monde, des personnes que l'étude des sciences historiques ou une curiosité moins savante amènent à la Bibliothèque royale.
[3] Il est écrit, ainsi que les autres relations contenues dans ce volume, dans un dialecte que révéleraient assez ses prononciations sifflantes, si le translateur n'avait d'ailleurs pris le soin de nous dire dans quelle province il écrivait. Le picard présente ici quelques expressions qui se sont conservées dans l'anglais, et que, dès cette époque, on aurait peut-être inutilement cherchées dans les dialectes des autres provinces, la Normandie exceptée. J'ai fait suivre le texte d'un glossaire : ce texte deviendra bientôt l'objet d'un commentaire tiré des auteurs orientaux.Cy commence de lestât et de la gouuernance du grant kaan de cathay souuerain empereur des tartres, et de la disposicion de son empire, et de ses autres princes, intreprete par un arccuesque que on dist larceuesquc saltensis. au commant du pappe ichan xxij.e de ce nom. translate de latin en francois par frère iehan le lonc dyppre moisne de s.t bertin en s.t aumer.
Le grant kaan de cathay est tres puissans entre tous les roys du monde. a ly sont subget et font hommaige tous les grans seigneurs, de ce pays, especialement trois grans empereurs, cest assauoir {empereur de cambalech. lempereur de boussay. et lempereur usbech. ces trois empereres enuoient tous les ans luppars tous vifs camelz gerffauls. et tres grant plante des autres precieux ioiaus au dit kaan leur seigneur, car ilz le recongnoissent leur seigneur et leur souuerain. cil troy empereur sont tres renomme et tres puissant comme il appert. car comme lempereur usborch auoit guerre et se deuoit combatre contre lempereur de boussay. il amena sur les champs vij.c mille et vij.m hommes a cheual sans riens du monde greuer son empire. quelle donc et com grant sera la puissance du grant kaan qui dessoubs lui a telz et si puissans barons subgis. son empire est appellee cathanus ou cathay. il commence droit en orient et dure iusques en Ynde la maiour. et se estent en droite ligne vers occident. tant comme on pourroit cheminer en vj mois, en cel empire a deux tres grandes citez, cambalech et cassay. tous ceulx de son royaume grans et petis ly sont serf et esclaue. les gens du pays ont si grant obedience et cremeur a leur seigneur le grant kaan de cathay. que ilz ne lui osent en riens contester, ne son commandement trespasser. dont il auint une fois que uns de ses grans princes meffist en bataille tellement que H auoit mort desseruie. le grant kaan le sceust si lui enuoia par un messaige quil lui enuoiast sa teste. tantost ces lettres veues. cilz princes droit emmy sa gent sans rebellion et sans contredit. baissa la teste et la laissa paciemment copper. le kaan garde tres bien iustice aussy bien sur les grans comme sur les plus petis. une fois en lan le premier iour de la nouuelle lune de mars qui est le premier iour de leur an. ly dis empereres se monstre a son peuple aourne de purpre dor et dargent et de pierres précieuses, adonc tous li peuples se met deuant lui a genoulx et le aourent et dient veez cy notre dieu en terre. qui de chierte nous fait plante et grant richesse. qui nous donne paix, qui nous garde iustice. adonc ly empereres ne refuse a homme a lui faire iustice. adonc rent graces a dieu omnipotent. il deliure les enchartrez. et fait moult de graces et de œuures de pitie, a toutes manieres de gens qui mestier en ont et qui sa grace requirent. fors a trois manieres de gens, mais a ceulx ne fait il grace nulle. c'est assauoir a cellui qui a mis main viollentement et maugracieusement a pere ou a mere. a cellui qui a fausse la monnoie du roy. laquelle est de pappier. et a cellui qui a aucun empoisonne et donne venin a boire. a ces trois ne fait il grace nulle. a ce iour il donne moult grans dons et grant plante de or dargent de pierres precieuses. le maindre don que il donne vault au moins un balisme dor. et vault souuent I. balismes. un balisme vault mille florins dor. ly dis empereres est pieux et misericors. il se pouruoit tousiours pour lui et pour ses subges. de bles de ris et de toutes manieres de grains; et ace a il granges et greniers tant que sans nombre. sy que quant en son pays est chierete de blez ou de grains, il fait ouurir ses greniers et donne son ble et son riz pour moins la moittie que les autres ne le vendent. et par ainsy fait tres grant habondance en temps de grant chierte. il fait moult de grans aumosnes as poures pour lamour de dieu, et quant aucuns est si affaiblis de corps quil ne puet son pain gaingnier ou sy apouris quil na de quoy uiure et quil na amis qui li face bien. ly empereres le fait pouruoir en toutes ses necessitez, et ce fait il par tout son royaume, et si ne grieue nulluy de son royaume par extorcions extraordinaires, et non usees, si sachies pour certain que sa richesse est de ses propres rentes, et gab les de truuaiges et de males toultes si tres grante que ses richesses et sa puissance est sans nombre. il a tresorriers et grantes maisons toutes plaines dor et dargent de pierres précieuses et de autres richesses et ioyaux. et espécialement en ses principalles villes, il a aussi en tout son royaume de ville a autre maisons esquelles demeurent si courreur a pie et a cheual. cil courreur et cil messagier ont sonnettes pendans a leurs poitrines ou a leur courroies sy que quant aucuns courreurs vient portant les lettres de lempereur. et approuche aucunes de ses maisons dessus dittes. il sonne ses sonnettes, et sachies que a cel son sappareille en celle maison uns autres coureres. et prent ces lettres et les porte auant iusques a une autre maison, et ainsy des autres, et ne cessent de courre. iour et nuit iusques atant que les lettres viennent la ou elles sont enuoies. et par ainsy lempereur a dedens xv. iours nouuelles dun pays qui sera aussi loings comme le chemin de trois mois, il rechoit moult hounourablement messaiges et embassateurs de quelconques estrange pais, ou seigneurie. et les pouruoit de toutes leurs neccessitez. en alant et en uenant par tout son royaume.
OU royaume de cathay a un euesque souuerain comme entre nous est le pappe. ceulx du pays et de la foy le nomment le grant trutius. il est subgis et obeist au dit empereur le grant kaan. comme a son seigneur et a son souuerain. mais lempereur lonneure par dessus tous autres, quant lempereur cheuauche en sa compaignie, il le fait cheuauchier droit dencoste lui a son coste. et li empereres ne lui escondist quelconques graces nulles que il lui requiere. cilz grans trucins a tousiours la teste et la barbe rese. et porte sur son chief un chappeau rouge. et tousiours est vestu de rouge. il a la dominacion et seigneurie sur toute le clergie. et sur tous les religieux de sa loy. par tout le royaume susdit. et a lui appartient linformacion et la correction et de eulx ne de leurs ordonnances ne semes le li empereres. entre ces clers et religieux a des grans prelas euesques et abbez. et tuit sont subget au grand trucins. en chascune cite et villes du dit empire a abbaies de hommes de religion, et aussy de dames uiuans selonc leur loy du pays soubs la obedience et correction du grant trucins. a paines ny a cite ne ville ou dit empire ou on ne truist une abbaie. et sen y a viii. ou dix ou plus, en tel cite y a. et en chascune abbaie a du moins ce. personnes, ilz sont moult riches, et de ces grandes richesses. ilz font grans aumosnes pour dieu, ilz uiuent tres ordenneement et dient leurs eures. vii. fois le iour et se lieuentas matines, ilz ont cloches de metal faittes a maniere de comble. desquelles ilz sonnent leurs heures, ilz gardent chastete, et nulz clers religieux ne se marie. ilz sont ydolaste et aourent pluseurs ydolles. par desseure lesquelles ydolles ilz dient estre. iiij. dieux, lesquelz iiij. dieux ilz entaillent dor et dargent tous entiers deuant et derriere. et par desseure ces quatre dieux dient ilz estre un plus grant dieu qui est par desseure tous les dieux grans et petis.
Le royaume de cathay est moult peuplez, et y a pluseurs citez assez plus grandes que paris ne que florense. et grant plante de lieux tres bien habitez et se ya autres villes sans nombre. moult ya de beaux pres et de bons pasturaiges. et herbes bien flairans. moult ya de grans fleuues et de grans eaues par tout lempire. sy que bien la moittie du royaume et du pays sont eaues esquelles habitent grant multitude de gens, pour la grant multitude de gent qui est ou dit royaume. ilz font maisons de bois sur nefs. lesquelles maisons vont sus et ius aual leaue. et vont tous en leurs maisons de un pays marchander en autre. et en ces maisons demeurent les gens a toute leur mesnie. leurs femmes et leurs enfans avec toutes leurs hostilles de lostel. et leurs neccessitez. et ainsy demeurent sur leaue tout leur uiuant. et y gisent les femmes en gesine et font toutes leurs choses comme les autres qui demeurent sur terre. et se on demandoit a aucun de ceulx ou ilz furent ne. ilz ne seeuent autrement respondre. fors que ilz furent ne sur leaue en telle maniere. bien ya aussy grant peuple demourant sur leaue comme sur terre. tant ya de peuple que les bestes du pays ne leur souffissent point. ains conuient que on les amaine dautre pays, et pour ce y sont chars chieres. en ce pays a tres grant habondance de froument de ris dorge et dautres grains, desquels le grant kaan cueille tous les ans a plante et les met en ses greniers comme dessus est dit. ilz y messonnent le ris deux fois lan. il ne y croist point oille doiliue. ne de uin de uingne. et ne en ont point se on ne lapporte dailleurs et pour ce est il de grant pris, ilz font oille et vin de ris. et y croist de tous fruis a tres grant habondance. fors de auellanes dont ilz nen ont point. mais sucre ont ilz en tres grant quantite, et pour ce en est il la grant marchiet. ly pays est moult paisibles et nulz ny ose armes porter ne guerre mouuoir. fors seullement ceulx qui a ce sont deputez de par lempereur. pour son corps ou pour aucune cite garder, en lempire de boussay susdit croist une maniere de arbres qui par la craisse deulx portent et font grans secours a ceulx du pays, car il en y a aucuns qui de leur escorche rendent blanche liqueur comme lait bien doulx. et bien sauoureux et a grant plante. et les gens du pays le boiuent et menguent comme lait de chieure moult uoulentiers. quant on couppe ces arbres en aucunes lieux, soit es branches soit ailleurs, elles rendent par la couppe une maniere de ius a grant plante. lequel jus a couleur et saueur de uin. autres arbres ya qui portent une maniere de fruit aussi grant comme auellanes ou comme une nois de saint gracien quand cilz fruis muers les gens du pays le cueillent et leuurent et treuuent dedens grains a maniere de froument dont ilz font pain et paste et autre viande dont ilz menguent moult tres uoulentiers.
Ces deux citez sont tres grandes et tres renommees chascune de elles a bien XXX mille de tour et de mur entour. Tant y a grant peuple que seullement les seruans qui y sont establis pour garder la cite de cainualech. sont xl. m. hommes armes par certain nombre. En la cite de cassay en a plus pour ce que il y a plus grant peuple. car c'est une cite moult marchande. et a celle cite viennent marchander tous ceulx du pays et moult habondent en toutes manières de marchandises, et les sarrazins sus dis gardent moult songeusement de iour et de nuits les citez dessus dittes.
Le grant kaan fait monnoie de pappier la ou il a une enseigne rouge droit ou millieu et tout enuiron sont lettres noires, et est celle monnoie de greigneur ou de mendre pris selonc la enseigne qui y est. lune vault une maille. lautre un denier, et ainsi plus ou mains, et ilz aualieent leur monnoie dor et dargent a leur monnoie de pappier. on treuue en ce pais plus de manieres de marchandises, que es parties de romme ou de paris, ilz ont grant plante dor et d'argent et de pierres précieuses, car quant aucuns marchans de dehors y viennent marchander, ilz y laissent lor et largent et les pierres précieuses. Sy emportent les marchandises du pays, espices. soies, draps de soie et draps dor desquelles ilz treuuent grand marchie. Ly empereres dessus dis a tresors si tres grans que cest grans merueilles. et est pour celle monnoie de pappier. et quant sa ditte monnoie de pappier est trop vielle et degastee. sy que on ne la puet bonnement manier, on Iapporle a la chambre du roy as monnoiers deputez a ce. et se la enseigne de la monnoie ou ly noms du roy y appere aucunement. ly monnoier rendent nouuellé pour la vielle trois moins sur chascun cent pour la renouacion. Ilz font aussy tous leurs previleges en pappier.
Les gens de lempereur se vestent moult honnourablement et très richement et largement uiuent. et pour la grant habondance de soie et de or. et pour ce que ilz ont pou de lins, tous ont chemises de soie. et leurs draps sont de tartaire et de tamotas
[4] et dautres riches draps, souuent aournes dor et dargent. et de pierres precieuses a leurs draps, ilz ont longues manches qui leur queuurent les ongles des dois, ilz ont pluseurs vaisseaux de roisiaux. lesquelz y sont grans et gros, ilz menguent chars de toutes manieres de bestes. et quant ilz veullent faire grant feste ilz tuent chamelz et en font beaux mes a leur guise. ilz ont grant plante de poissons et dautres choses, esquelles ilz ont une manière de uiure comme autres gens.Quant aucuns enffes y est nez ilz tiennent bien memoirement et enregistrent le iour de sa natiuite. et quant il est mort ly amy et li parent le mettent en une fiertre de pappier aournee dor et dargent. et en celle fiertre mettent avec le mort mirre et encens, puis mettent ce fiertre sur un char, et ce char trament tous ceulx de son lignaige a cordes, iusques a un lieu propre depute a ce. et la ardent ce mort aueuc sa fiertre et auec son char. et ilz assignent telle raison, car ilz dient que ainsy que on purge lor par le feu. ainsi conuient il les corps humains par le feu purgier. afin que ilz puissent en toute pureté resussiter. quant ilz ont ainsy ars leurs mors. ilz sen retournent a leur maisons, et a la remembrance du mort font faire une ymaige a sa semblance. et cel ymaige ilz mettent en lieu certain, et chascun an au iour de sa natiuite. ilz ardent deuant cel ymaige lignum aloes. et autres manieres despices bien flaitans, et ainsy font mémoire de la natiuite du mort.
En la ditte cite de cambalech fu uns archeuesques qui auoit nom frere iehan du mont curuin de lordre des freres meneurs, et y estoit legas enuoiez du pappe clement. cilz arceuesques fist en celle cite dessus ditte trois lieux de frères meneurs et sont bien deux lieues loings ly uns de lautre. il en fist aussy deux autres en la cite de racon qui est bien loings de cambalech le voiaige de trois mois et est dencoste la mer. esquelz deux lieux furent deux freres meneurs euesques. ly uns eut nom frere andrieu de paris, et ly autres ot nom frere pierre de florense. cilz freres iehans larceuesque conuerty la moult de gens a la foy ihesucrist. il est homs de tres honneste vie et agréable a dieu et au monde et tres bien auoit la grâce de lempereur. ly empereres lui faisoit tousiours et a toute sa gent aministrer toutes leurs neccessitez. et moult le amoient tous crestiens et paiens. et certes il eust tout ce pays conuerty a la foy crestienne et catholique. se ly nestorin faulx crestiens et mescreans ne le eussent empechiet et nuist. ly dis arceuesques ot grant paine pour ces nestorins ramener a la obedience de nostre mere sainte eglise de romme. sans laquelle obedience il disoit que ilz ne pouuoient estre sauue. et pout ceste cause ces nestorin scismat auoient grant enuie sur lui. cilz arceuesques comme il plot a dieu est nouuellement trespassez de ce siècle. a son obseque et a son sepulture vinrent tres grant multitude de gens crestiens et de païens, et desciroient ces païens leurs robes de dueil. ainsi que leur guise est. et ces gens crestiens et païens pristrent en grant deuocion des draps de larceuesque. et le tinrent à grant reuerence et pour relique. la fu il enseuelis moult honnourablement a la guise des fiablecrestiens. encore uisete on le lieu de sa sepulture a moult grant deuocion.
En la ditte cite de cambalech a une manière de crestiens scismas que on dist nestorins. ilz tiennent la maniere et la guise des grieux et point ne sont obeissant a la sainte eglise de romme. mais ilz sont de une autre secte. et trop grant enuie ont sur tous les crestiens catholiques qui la sont obeissant loyaument a la sainte église dessus ditte. et quant cilz arceuesques dont par cy deuant auons parle ediffia ces abbaies des freres meneurs dessus dittes. cil nestorin de nuit le destruisoient. et y faisoient tout le mal que ilz pouoient. car ilz ne osoient audit arceuesque ne a ses freres ne aux autres fiables crestiens mal faire en publique ne en appert pour ce que ly empereres les amoit et leur monstroit signe damour. ces nestorins sont plus de trente mille demourans ou dit empire de cathay. et sont tres riche gent. mais moult doubtent et crieinent les crestiens. ilz ont eglises tres belles et tres devotes auec croix et ymaiges en lonneur de dieu et des sains, ilz ont dudit empereur pluseurs offices, et de lui ont ilz grandes procuracions dont on croit que se ilz se voulsissent accorder et estre tout a un auec ces freres meneurs, et auec ces autres bons crestiens qui la demeurent en ce pays, ilz conuertiroient tout ce pays et ces empereres a la uraie foy.
Le grant kaan soustient les crestiens qui en ce dit royaume sont obeissant a la sainte église de romme. et leur fait pouruoir toutes leurs neccessitez. car il a a eulx tres grant deuocion. et leur monstre tres grant amour, et quant ilz lui requierent ou demandent aucune chose pour leurs églises leurs croix ou leurs saintuaires rappareiller a lonneur de ihesucrist moult uoulentiers leur ottroie. Mais quil prient a dieu pour lui et pour sa sante, et especialement en leurs sermons, et moult uoulentiers ot et veult que tous prient pour lui. et tres uoulentiers sueffre et soustient que les freres preschent la foy de dieu es eglises des païens lesquelles ilz appellent uritanes (ou vritanes). et aussy uoulentiers seuffre que les paiens uoisent oir le preschement des freres, sy que cil paien y uont moult uoulentiers. et souuent a grant deuocion. et donnent aux frères moult de aumosnes. et aussy cilz empereres preste et enuoye moult uoulentiers ses gens en secours et en suscide des crestiens quant ilz en ont affaire et quant ilz le reqerent a lempereur.
[Explicit de la gouvernance et de l’estat du grant kaan souuerain empereur des tartars).
GLOSSAIRE
· * Sans doute pour cremeur.
· ** Si mieux on n'aime l'entendre ici par droits de trouvage et de bris.
* Peut-être faut-il lire songneusement, diligemment.
[1] Provenant de Wikipédia avec des ajouts.
[2] Extrait de L. de Mas-Latrie, Bibl. de l’Ecole des chartes, 1892, vo. 53, L'officium robarie ou l'office de la piraterie à Gênes au Moyen Âge.
[3] Grand in-fol. d'un vélin très-blanc et sans défaut, d'une écriture très-régulière, et enrichi d'encadrements et de miniatures en or et en couleurs, d'une magnifique exécution et d'un assez bon goût.
[4] Ou camotas.